هو راح نام واني هم تمددت بس افكار جهنميه براسي ولازم ابدي أنفذ...
بكد مامتحمسه انفذ افكاري مكدرت ابقة بمكاني
فتت للحمام غسلت جسمي ولبست ثوب كصير و الردن مالته ربع لونه سمائي
وفتحت شعري وحطيت السماعات بأذني حتة اختار اغنيه اغنيهة من يكعد
فكرت اغني تركي بس كلت هو مراح يعرف معناهة لازم اغني شي يفهمة
يكون بي معنى يمثل حالتنه
حب سنين ديضيع بثواني بدون سبب
واني ماعندي استعداد اخسره احساسي تجاه هذا الانسان رغم الصار مستحيل يتغير عبرت مرحله الحب وصلت مرحلة العشق الهيام شي اكبر من الحب
مستعده اضحي واحارب لخاطر حبي ماريد اضيعه من ايدي
صار الوقت لازم اكعده بي
واكيد حاطه خطه ماكو شي بعد يعبر بدون خطط بس الله يستر من نهايه هاي الخطط لينكلب السحر ع الساحر 😅.
دك المنبه رأسا طفيته علمود اني اكعدة
رحت وكفت فوك راسه وانحنيت شويه علمود انزل شعري ع وجهة ويكون شي عفوي علساس عفوي
ودغيته بكتفه ع كيف وكتله
:ياسر ....ياسر اكعد مو عندك شغل
ياسر:مممم
جان شعري زاعجة لحد ما مد ايدة وجر شعري قوي
من قوة السحبة وكعت وصار راسي ع بطنة
هو فز رأسا وكام
ياسر:اسف والله اسف معبالي شعرج
اني شفت اهتمامه وخوفة علية ومنا تأذيت من جرني من شعري
والله مااعرف شلون نزلت دموعي مع انو اني مو حساسه ابد
وماابجي بسهولة دمعتي عصية
مرات اتمنى ابجي حتة ارتاح ماكو مااكدر بس هسة ع لاشي نزلت دموعي
هو انخبص بيه
ياسر:شو اتأذيتي
داليا:تؤ مابيه شي
ياسر:شنو مابيج شي لعد ليش دتبجين
داليا:اتوجعت هناا
اشرتله ع المكان الجرني منه
ياسر:اسف والله مادري شعرج
باسني من المكان الاشرت عليه ومشه اصبعه الابهام خفيف
اني جنت مصدومة من الحركة وهو مندمج بس
ع غفله فز وراح للحمام
خرب ام اللحظه ميكدر
هو فات للحمام واني رحت للمرايه امشط شعري الكفشة ودااحضر الاغنيه
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
