ياسر
ضل بالي يم يسار اعرف بي يتحسس وميحب احد يوصلة نحس شوية خابرتة عبالي اروح اجيبة طلع جاي بتكسي اني هم صعدت بسيارتي ورجعت للبيت لگيتهم ديحضرون بالغدة ويسار واصل قبلي والوالد هم موجود
ها الله يساعدكم
الام(امل ) ويساعدك يمة شلونك حبيبي
بخير اذا انتي بخير حبيبة
يسار: ايي عاد اجة حبيب الگلب الباقي ينشمر بالزبالة النة الله
يااا ياا باع هذا بطول الباب ويغار
ياسر: اي حبيبة يغار من عدنة وباس امة بخدهة وهية رجعت باستة
اجة يسار يدفع ياسر
شوو وخرر من يم امي كضيتهة تبوس بيهة وتحض بقيلنة شوية
ظل يسار يبوس بأمة ويدغدغهة
لكك ياسر وخرر هذا الخبل عني وهية تضحك
ياسر:لكك يسار وخر عنهة لااجيك
هاهية يابة وخرت هية اصلا متريدنة تريد بس حبيب الگلب مالتهة احنة شنو
راحت مريم بوست يسار يمة شعندي غيركم فدوة لطولكم
فات الشيخ للمطبخ
هاا مو تأخر عداكم وراي كعدة
ياسر : شلونك يابة
هلة وليدي هلة جنت منتظرك حتة نروح سوة
ابشر نكمل غدة ونروح
يسار: حتة الشيخ ميباوع بس على ياسر يمعودين مسويلكم سحر
ضلينة نضحك على يسار وسوالفة وراهة تغدينة وكاعدبن دنشرب جاي كالت امي
يمة يسوري مناوي تزوج والله شفتلك بنية جنهة جمارة تخبل
ياسر : يمة سدي هذا الموضوع ولتفتحي من اريد ازوج عود اني اكلج
ليش يمة ليش شناقصك شيخ وتخبل عين الله عليك
يمة كلت ناقصني شي بس هذا الموضوع لحد يفتحة وياي ابد من اريد اني اكلج خطبيلي عايل وياج بشي
اي شوكت كلي شوكت
يوم فدوة لعمرج وراي كعدة وماريد اتعصب كتلج سدي الموضوع والتفتت على ابوية كتلة
ها حجي نتجهز ونتوكل هم يلة يادوب نلحك
الشيخ : على بركة الله
صعدت لغرفتي سبحت ولبست دشداشة نيلي ولفيت شماغ والسبحة سودة بيهة نقاط بيض والساعة وحطيت عطر ونزلت
يمة اللهم صلي على محمد شطالع عريس
يسار بضحك: الحجية متفوت فرصة كلساع اذب بسمار والله وطلع بيج بلة امولة
انجب لك امولة شنو اختك الصغيرة
غير اتشاقة وياج حبيبتي
يسار: وين الحجي ماكمل
طلع الشيخ من الغرفة لا هياتني كملت
يسار : اتكولين ياسر عريس دشوفي الشيخ كسرة كسر هو العريس
ياسر : اي يمة والله شوفي الشيخ طالع عريس شهالكشخة شيخنة
الشيخ يضحك ويعدل بلحيتة المليانة شيب هاا شتكولون بما انو طالع عريس اجيب الثانية بيدي واجي
ياا ياا باع السرسرية يشجعون ابوهم يزوج على امهم
ياسرباسهة من راسهة لا حبيبة نتشاقة وياج
الشيخ كال يمكن نتأخر ليضل بالكم والتفت على ياسر يلة نتوكل
يلة ماعندي شي مكمل
مع السلامة
امل: الله وياكم حارسكم الله
أنت تقرأ
خطأ طبي
Roman d'amourقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
