داليا ....
كعدت ع صوت عياط والباب يندك قوي
و محمد يعيط بس مداافتهم شديحجي كمت مفزوعة
نزلت بسرعة طلعت ميساء دتولد و خطيه محمد مخبوص يفتر حوالين نفسه
لحد ما عاطت بي خالة كالتله
اهدة سطرتنه اول مرة تجيب
وهو صدك ميساء ساكته صح مبينه موجوعة بس مخلوسه بسبب توتر محمد وعصبيته
اشرتلي اجيب جنطة الطفل محضرتهة
الام شكد حنونه وتفكر بطفلهة قبل نفسهة رغم الالم البيهة دتفكر بملابس ابنهة
رحت ركض لغرفتهم جبت لجنطة وياسر مشغل السيارة وخاله بدلت حتة تروح وياهم
واني لبست ميساء عبايه تنحط ع الكتف ولبستهة شالهة وكومناهة اني ومحمد نمشيهة ع كيف متكدر تمشي
وجهالهة يبجون وراهة والله كلبي انعصر عليهم
من وصلناهة للسيارة وصتني ع جهاله ومحمد رأسا عاط بيهة مقبل تحجي هيج وتفاول ع روحهة
بوست جهالهة و راحوا
بقينه اني وعمو والجهال وسارة بالبيت يسار راح ع ام ميساء وياخذهة للمستشفى
جانت الساعة بعدهة مصايرة بالخمسه واني مسطورة سطر
عمو كال اتوضوا وتعالوا نصلي وندعيلهة حتة الجهال خلاهم يصلون اتعامل وياهم بهدوء وحنية ماكو مثلهة
كملنه صلاة ردت اخذ الجهال انومهم عمو كالي
عوفيهم انومهم بحضني واقرة عليهم خطيه فزوا
مدد رجلي وحط كل واحد ع رجل و بده يقرة عليهم ايات وغفوا
واني وسارة ضلينه نصلي وندعيلهة لحد مدكوا علينه كالوا الحمد لله جابت بنوتة
رحنه اني وسارة رتبنالهة مكانهة ومكان البنوته و خليت سارة تنام مو مال كلنه نتعب ورانه كومة كراب وخطار
صاحني عمو كالي
اعرف الحجي هذا مو وكته بس لازم احجي واعرف ابني غلطان من ساسه لراسة بس انهدتله هديه و اكو ناس جاهلة لحد الان عدهم عيب ينرد الهديه ونسوا الرسول وصى بالنساء
وهمة يهدون بيهن ويفرطون بيهن ولا كأن بشر حالهم من حالهن وابني غلط من قبل بيهة بس والله وداعتج عندي انجبر يوافق
وداعتج احل الموضوع
واعرف ابني تعبج بس ان شاء الله تفرج واذا ماكدرت احل الموضوع لتريدي اني حاضر اله
واعرف هسة انتي تفكرين تطلكين وتفكرين بكرامتج بس يا بنتي مصار هواي ع زواجكم والناس مترحم ماريد تنمسين بحجايه وحدة
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
