داليا....
ورة مااخذت الفاليوم محسيت بشي
بس كعدت ع صوت صياح وهوسة فزيت مرعوبه
كمت من فراشي ركض حتة نسيت احط شال ع راسي ولا منتبهة ع ملابسي
فتحت الباب ونزلت ركض
جانت الدنيا صبح حتة ماادري بيش الساعة
شفتهم ملتمين بالهول وخاله تهلهل وياسر ديعيط ع بنيه حتة ضربهة ع كتفهة
جنت دااحاول استوعب المشهد الدااشوفه لحد ما خاله كالت
هاي شبيك يمه غير هاي عاداتنه وتقاليدنه ولبنيه ماسوت شي شوفتني نيشانهة
ياسر: يا عادات يمه هذا تخلف وكتلهة يغبيه هالشي يظل بينه وكسرت كلامي من اول يو..
مكمل كلامه لان شافني التقت عيني بعينه وراهة باوعت ع لبنيه او ع الطفله الكدامي بنيه بكد سارة منزله راسهة ودتبجي
رغم كلامهم جان واضح هو اتزوج وصارت عنده علاقه جسديه وياهة بس مستوعب لحد مشفت وصله بيضه بيد خاله وعليهة قطرات دم
هنااا لو يذبحوني ميلكون بيه قطرة دم جسمي كله بده يرجف حسيت حفقد السيطرة ع روحي لهذا قررت انهزم مثل كل مرة
سحبت روحي اني وخيبتي وصعدت ركض
سمعته يصيح ورايه بس مهتميت ركضت للغرفه وقفلت عليه الباب
لحكني وظل يدك بالباب ويتوسل افتحلة بس مفتحت ولا نطقت بحرف واحد
حسيت جسمي بدة يتشنج نفسي ضاق صدري يصعد وينزل بطريقه مو طبيعية مسيطرت ع روحي وكعت بالكاع رغم كل الصار منزلت مني دمعة وحدة
مااعرف شكد طول واني بالكاع حتة غفيت بلا مااحس مااعرف اغمى عليه لان محسيت بشي كمت للحمام غسلت
داافكر ويه روحي هيه طفله بكد اختك الصغيره شلون لمستهة
زين الخلل بيه ليش اتقرب منهة ومتقرب مني
صار شكد متزوجين اني ويا معقوله ماحبني معقوله مفكر يتقرب مني
لييش هية قرب منهة ومن اول يوم واني لا مو جنت حبيبته قبل لا اكون زوجته
صرتله صديقة واخت وام وحبيبه صرت بمكان كل انثى بحياته ليش طعني هالطعنه هاي
اختنكت اتمنيت ابجي مدااكدر مخنوكة لو تنزلي دمعه ارتاح بس ماكوو مدااكدر ابجي
اتوضيت وكفت ع السجاده صليت ودعيت الله يريح كلبي ويخليني ابجي بس اريد افرغ لبداخلي مدااكدر اتحمل بعد
كملت صلاة واندكت الباب فكرته ياسر مارديت
بس طلعت ام ميساء
كمت فتحتلهة الباب ورحبت بيهة دخلت للغرفة
شافت الجنط وباديه اعزل ملابسي كالتلي
أنت تقرأ
خطأ طبي
Romansقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
