استوقفنة صوت
ياسر: داليا بلا زحمة ثانية وحدة
داليا: نعم تفضل
ياسر: ممكن اكلج شغلة ع انفراد
يسر من سمعت كلامة رأسا ابتعدت وكال وهو مخنزر علية شكلة يخوف
منو سلام
داليا:سورري بس انت شعليك
ياسر بحدة :كتلججج منو سلاممم
داليا بنفس الحدة: واني كتلك انت شعلييييك
ياسر: اوكي الظاهر الحجي هنا مو مفيد وصديقتج دتنتظرج بس اليوم بليل راح اخابرج واذا مرديتييي حتشوفين مني شي ابداً مصاير
داليا بتماسك: وااو علساس خفت من تهديدك بعدك متعرفني زين اني مااتهدد
ياسر بأبتسامة: لا بوية ما عاش ليهددج بس عندي موضوع وياج فتحي الخط
داليا: اوكي افكرر چاو
عفتة ومشيت مختل ساعة يبتسم وساعة يتعارك
يسر: شبي شيريد منج
داليا: مختل كلشي مفهمت منة بس يريد يخابرني بليل عندة موضوع مدري شنو
يسربأبتسامة: ان شاء الله لبالي
داليا: شنو لبالج
يسر: هييج يخابر ونشوف
وراهة رجعنة للكلية كملنة محاضرات وطلعت للبيت بس الفترة هاي كضيتهة افكر شيريد مني؟؟!
ليش اسلوبة اختلف وياي ! بالبداية ساعدني بأكثر من موقف وراهة من سوة يسار العملية حسيتة كارهني معقولة يسار حاجيلة شي عني ؟
زين حتلوو حاجي عني شراح يكون حاجي اني ممسوية شي غلط ولا مأذية احد بس اني اعرف يسار صح فترة صداقتنة قليلة بس عرفتة هو شنو وسألت عنة هواي ناس كلهم يحبوا يعني مستحيل يكون حاجي شي علية يم اخوو ! زيين شنو هالتغير المفاجئ من انسان لطيف ويساعدني الى انسان عصبي وميتفاهم ؟!
ظليت انتظر اتصاله ع نار
بالبيت..
مصطفى: داليااا داليااااا
داليا: هااا شبيك اتصيح
مصطفى: بدلي دنروح لبيت عموو
داليا: مااروح
مصطفى: معلية روحي كولي لابوية اني رايح ابدل
داليا: بابا اني مااروح
مهند:ليش بابا كلنة راح نروح تظلين وحدج قابل
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
