داليا.....
عدت كم يوم عاديات نفس الروتين دوام بيت ياسر يجي متأخر ماكو شي جديد تقبلت موضوع مرضي وحاولت انساه تماما مكمت افكر بي وبديت اعيش حياتي كأن اليوم اخر يوم اعيشة من اطلع للدوام اخر كشخة من ارجع بالطريق انزل اشتري حلويات
وكم مرة اخذت السيارة من السايق بس وصيتة ميكول لياسر
بالليل او العصر نطلع اني وسارة ويسار كمت اتواصل وية اهلي اكثر سويت اشياء تبقى وراية من اموت الناس يدعولي بيهة بس تبقى بيني وبين ربي
اليوم جان عندي دوام بس مداومت لان نتائج سارة وخطية حيل متوترة ميتة خوف منطاني كلبي اداوم واعوفهة وحدهة حتة الولد يسار ماطلع محمد كلساع يخابر اما ياسر راد بنجلط مرتين يروح لشغلة ويرجع يحاول ميحسسهة هو مرتبك وكلساع يبوسهة ويحضنهة وهو حتة ماكدر يكعد بس يفتر ويخابر ع اصدقائة بلكي احد يدزلة النتيجة
عمو كاعد بالاستقبال هم خايف بس همة كلهم مخايفين انو تطلع معدل ناصي لان يعرفوهة شاطرة بس خوفهم عليهة لان اذا تاخذ اقل التسعين بامتحان شهري تكوم تبجي مو انوب تحدد مصيرهة ومستقبلهة
لا ساعة ولا ساعتين ننتظر من الصبح للظهر وماكو منزلت خالة كالتلهم تعالوا تغدوا محد قبل ياكل للعصر عاد عمو كاللهم عوفوهة شوكت متنزل تنزل والي كاتبة الله يصير وسارونة شاطرة اكيد رافعة راسنة
راح ع سارة حضنهة وكاللهة
ميحتاج تخافين بابا تعالي ناكل وراهة الله كريم
حاولت تعترض عمو ماقبل اخذهة من ايدهة وكعدوا ع الميز ياكلون اني ماكدرت جنت متوترة اكثر منهة ولان اختي منار هم سادس امتحنت بتركيا
خابرتني ماما كالت منار مطلعة معدل ٩٠ كلش فرحت بس ماكلتلهم كلت اخاف سارة اقل وتنقهر
فاتحة الفون ومنتظرة تنزل النتائج اجة ياسر كالي بشري منار شطلعت
داليا: الحمد لله ناجحة معدلهة ٩٠
ياسر: الف الحمد لله حروح اخابرهة اباركلهم
راح ياسر ورجعت اباوع بالفون نزلت بس ماكتلهم حتة ميتوترون اكثر
طلعتهة وقريت اسمهة ودرجاتهة معدلهة ٩٨
كمزت من مكان كتلهم ناجحة معدلهة ٩٨
بثانية وحدة لكيتهم كلهم فوك راسي يردون يشوفون النتيجة الا سارة كاعدة بمكانهة وصافنة انطيت الفون لعمو ورحت حضنتهة
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
