خطأ طبي

Part11

داليا ...
..... سلام عيني فدوة تكدر توصلني وياك اتأخرت ع العيادة
سلام:اكيد تفضلي دكتورة
سلام: داليا هاي دكتورة مروة زميلتي
داليا:هلاو حبيبتي
مروة :هلو بيج ... اي سلام معرفتني منو هاي الحلوة
سلام:بنت اخو مرت اخوية

من سلام كاللهة اني منو احتقنت وتباوع من فوك ليجوة نظراتهة محلوة ابد
ودفعتني حتة تكعد ليكدام متعرف بهالحركة شالت عني حمل كلش جبير لان حيل خجلانة منة

سلام: داليا عيني حوصل دكتورة مروة قبلكم ماكو مشكلة موو
مروة : لا وصلهم قبلي عادي
سلام: موكلتي متأخرة
مروة: لا لا عادي همة خطية مبينين تعبانين

داليا: بكيفك ماعندي مشكلة بس وصلنة لبيت صديقتي بمنطقة ..... واني اصلا حنزل وياهة
سلام : لا ليش غير اوصلج لبيتكم
داليا:لا مو تعبانة ماكدر اعوفهة وحدهة
سلام : تمام ع راحتج واذا غيرتي رئيج دكي علية ارجعج لبيتكم
مروة: ليش موعندك عيادة حتتأخر هيج خلي تاخذ تكسي او ادك ع اهلهة
سلام: وليش داخليهة تتبهذل بالتكسيات واني موجود وشغلي اعرف شلون انظمة وماقصر بي
ها داليا ماغيرتي رئيج

داليا: لا ماكدر اعوفهة وحدهة الة اطيب وعود اخابر ع بابا يجيني تسلم تعبناك ويانة

سلام بأبتسامة: لا يابة تعبج راحة
مروة: يلة سلام اتأخرنة ع شغلنة
سلام : مو كتلج اوصلج بالبداية مقبلتي

وضلت مروة تحجي تحجي وتدخل من موضوع وتطلع من غيرة لحد موصلنة لبيت يسر
داليا: تسلم مقصرت
سلام: مسويت شي هذا واجبي
داليا: مع السلامة
سلام: بحفظ الرحمن

ياسر
اول معرفت بيسار متخربط اتخبلت هذا مو بس اخوية هذا صديقي وعضيدي مااعرف شلون وصلت للمستشفى من السرعة مرتين ردت اندعم بس فكرة احد من عائلتي بخطر تجنني متخليني افكر عدل

وصلت ولكيت زميلات يسار وجهم اصفر وخايفين حسيت كلبي حيوكف من الخوف ع اخوية
حجيت وياهم اريد استفسر منهم شنو الصار وحدة تمتمت كلشي مينفهم منهة ولخ جادحة حجيت وياهم حتة يرجعون لبيوتهم وجودهم مالة داعي واعرف اعلي بس يوصلهم خبر العشيرة كلهة حتلتم الشيخ الصغير مريض كلهة حتجي تزورة ماردت احد يضايقهم والحمد لله راحوا ثنينهم بس حبيبة يسار كلش متأثرة وجهة اصفر

ورة شوية سمعت ممرضين ثنين دحجون ع بنية ويتغزلون بيهة ضجت منهم مو حركات زلم هاي بس الصدمني لبنية الديحجون عليهة طلعت داليا زميلة يسار صدك ضجت وعصبت منهة عبالي راحت طلعت بعدهة تفتر ومنا المستشفى انكلبت ولد عمامي واصدقائنة هواي ناس بس سمعت اجتي باوعت علية وراحت مهتمت لكلامي وهذا زاد الطين بلة