ياسر...
صارت عندي سفرة مهمة لتركيا وجان يعز عليه اترك روحي بمكان واسافر بس ما اكدر اخذهة وياي لان اخاف تقفل عليه واله تروح لبيت اهلهة واعرف ميصعب عليهة شي ابد
لهذا اصلا ما اقترحت عليهة بس جنت متمني اخذهة وياي
كملت تقريبا شغلي كله بـ١٠ ايام حتة ما اطول بالسفرة حتة هدايا ما اشتريت لاحد بس لداليا
اشتريتلها سلسله ذهب وبيهة حرفي وحرفها بأنفنتي ناعمه ونازكه وهية تحب هيج شغلات
رحت لبيت احمد وقنعته يرجع للعراق وهم اهلة يتعرفون ع مرته
صح وصيه جدي قبل ميموت محد يعرف بالصار بس احاول احل الموضوع بدون ما اخل بالوصيه
رجعت للعراق متلهف لحبيبتي وبنفس الوقت خايف لان التهديدات زادت ما قلت
استقبلني يسار بالمطار ورجعنه سوة محد جان يعرف بجيتي ما بلغت احد بس يسار
وصلت العصر لكيتهم ديشربون جاي ومسوين عصرية
الوالدة بس شافتني اجتي حضنتني وتبوس بيه وسارة هم
بس مرتي خاتلة وراهم مابادرت ولا تقربت مني
سلمت ع الوالد ومحمد ومرته وراهة رحت اني سلمت
بستهة بخدهة وهمستلهة
مشتاقلج
شكد جان سلامي حار و شكد جانت هية باردة
كعدت وياهم شوية وراهة صعدت وصحتلهة ورايه
فتت للغرفه وفاتت ورايه
بس سدت الباب سحبتهة بحضني كسرت ضلوعهة بس هية ماحركت ساكن ابد باااااارده حيل باردة جانت
بس ما اكدر ابتعد لان حيل مشتاقلهة
واني هم اغلاطي مو قليله بحقهة
بعدهة عن حضني وكتلهة
شلونج
داليا:الحمد لله بخير انت شلونك
ياسر:من شفتج صرت بخير
رحت للجنطة طلعت الهدية وقدمتلهيا
اخذتهة من ايدي بس مستغربه مااعرف ليش ممتوقعة هالحركة مني
اشرتلهة بعيوني وكتلهة فتحيهة
فتحتهة بس ما انطت اي رد فعل كالت
عاشت ايدك بس مالهة داعي
ياسر:الف عافيه
والهة داعي لان انتي مرتي
اخذتهة من ايدهة لبستلهيا وشميت عطرهة لحد ما مليت ريتي يله وخرت
اخذت ملابس وفتت للحمام رجعت طلعت لان ناسي المنشفه
بس شفته صافنه ع لمرايه تباوع ع الكلاده
وعيونهة فرحانه هنا تأكدت بعد اكو حب جبير بكلبهة الي
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
