ياسر .....
من بعد متصوبت وشفت بيني وبين الموت شعرة خفت بس مو خفت من الموت نفسة لا الحمد الله اني رجال مؤمن واعرف كل واحد الة يوم يقابل بي وجه الكريم
بس خفت ع الناس العايفهم وراية شراح يصير بيهم اهلي زوجتي لبنية لتعلكت بركبتي المتاهات والعقد الفتت بيهة بأخر فترة كلهة جانت شاغلة بالي بس من بين كلشي جنت ادلل ع داليا
احب اهتمامهة بيهة احب قربهة مني اذا تغيب عني لحظات انجن اظل احوص لحد متجي وتكعد كبالي
شكد جنت احبهة ومتعلق بيهة ورة متصوبت صارت اضعاف مثل طفل متعلق بأمه
بلسمة منهة انسى حتة وجعي مالكة قلبي الوحيدة
رغم الوالدة شكد تحاول تبعد داليا وتحط بديل عنهة بس مدااسمح بهالشي وبنفس الوقت خايف من داليا لتتخلى عني ......
يعني دااحاول اخلص من المشاكل الجديدة والمتاهات الاني بيهة واحاول ابني ولو شوية من لنهدم تطلعلي مشاكل قبل سنين تهدم وتخرب كلشي
قبل ١٢ سنة او اكثر
يعني من جنت مراهق تقريبا عمري ١٧ او ١٨ سنة خطبت بنت عمي زهراء كدام جدي وعمامي وابوي وجنت واثق من قراري رغم صغر سني وسنهة هية اصغر مني ب٣ سنين تقريباً خطبتهة اني وحجزتهة الي بين متكبر
مراهق وجنت مفكر روحي احبهة طلع الحب ولوعتة تختلف عن الجنت حاسة بذاك الوكت يمكن جان مجرد اعجاب او تعويد
من شبيت واني حطيت عيني عليهة كلت متصير لغيري جانت بنظري هادئة ونازكة وحبيت حركاتهة جانت تخبث وتجي تختل وراي وتحتمي بية حتة محد يتعارك وياهة
لان كلهم جانوا يخافون مني الايد اليمين لجدي اني واحمد احنة لثنين الاحفاد المفضلين وين ميروح ياخذنة ويا
المهم خطبتهة وصارت بأسمي ومسؤليتهة من واجبي اني اوديهة للمدرسة يلة اروح لمدرستي واني اجيبهة وحتة تدريس جنت ادرسهة مصروفهة مني مدللهة دلال ردت تتعود ع وجودي بحياتهة ردت تحبني كل اسبوع هدية شكل جنت مفكر اشتري حبهة بالهداية
من انطيهة الهدية جانت تكمز علية تحضني لو تبوسني بس مجنت اخليهة وجنت اعلمهة هالشي ميصير وحرام انتي كبرتي واظل احجي واعلم بس ميفيد كل مااجيب هدية تسوي نفس الشي جنت خايف عليهة من نفسي مراهق مندفع واخاف اخدش برائتهة بكلمة او بلمسة مني
ظليت خاطبهة أشهر بديت اداوم سادس اعدادي اني واحمد لان نفس العمر والتهيت بدراستي جنت شاطر حيل رغم انشغالي وية جدي وبزهراء بس مجنت اقصر بدراستي ابد
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
