خطأ طبي

Part6

ياسر
كعدت الصبح اتجهزت وكملت واخذت يسار وطلعت وصلنة لجامعة يسار وكال
يسار: اكلك انطيني لسويج اروح اطبك السيارة بالكراج وانت انتظرني هنا حتة نفوت سوة
ياسر: يلة بس مو تتأخر
انطيتة لسويج وراح واني جنت واكف لفت انتباهي بنية نازكة وهية دتعبر اجاهة ابو دراجة طاير لو ما ستر الله جان اندعمت لبنية
ركضتلهة طلعت خطية ايدهة محتركة بالكهوة كوة تجاوب من نسألهة
كتلهة اوديج لصيدلية حسيتهة انحرجت وحرجتهة اكثر المرة بكلامهة
حاولت اتصرف طبيعي حتة متخجل مني
رحنة للصيدلية وداوينة اديهة بس خطية منا خايفة على امتحانهة ومنا متأذية من ايدهة وهم مستحية بس ماشاء الله عليهة شكد رزنة مع انو شكد متأذية ومبين الالم بملامح وجهة ماعيطت ولا سوت شي بس دتحاول تكتم الوجع

اجتي عجوز للصيدلية حسيتهة نقذتني لان ماعرف جنت متمني اني الاعالج ايدهة اجتني من الله وصدك حطيت المرهم ودالف بالشاش وصارت عيني بعينهة
ماشاء الله شنو من عيون غابة من الخضار ومنا خدودهة حمر وحاطة هذا الصبغ ليسمونة مكياج بس والله حلوة ملامحهة نازكة وتجذب الواحد يباوع عليهة غصب 
انتبهت على روحي شداسوي اني كملت ايدهة بسرعة ودفعت لفلوس يس ماقبلت شكد نفسهة عزيزة قبلت اخذ لفلوس منهة ماحبيت احرجهة واتشكرت مني واجة يسار
ماعرف ليش كالي شيخ بس حسيتهة انصدمت من سمعت اني شيخ او ماصدكت لان بعدني صغير عمراً
وراهة صفنت اني بشنو دافكر بكيفهة تريد اتصدك تريد لا والله يا الله
سلم يسار ولبنية راحت

يسار : شبيهة وليش تتشكر منك شسويت
ياسر:شبيك يول اكلتني حاصل فاصل
رادت تندعم والله ستر وانكبت الكهوة ع ايدهة واحركت وساعدتهة بس

زين شنو هاي لفلوس لنطتكياهة
وجع شكد حشري
الله عليك كول
اخذتهة للصيدلية دارينة اديهة ودفعت لفلوس بس ماقبلت رجعتهم

شنو رئيك بيهة
باوعتلة مستغرب شهالسؤال بلة
يعني دااقصد مبينة محترمة وبنت عائلة وخوش ناس تذكر من كتلهة ثولة مارجعت الغلطة بغلطة بالعكس اعتذرت وراحت وهسة وياك شكد اتشكرت منك ورجعتلك فلوسك بطريقة محترمة

هية هاي نفسهة لبنية
اي نفسهة انت مو شايفهة

اي شايفهة من بعيد مو مثل هسة

اي مجاوبتني شنو رئيك بيهة

الله يحفظهة لأهلهة

يسار كال بشقة اخطبلكياهة
عاجبك تنهان بنص كليتك

طبعا دنحجي واحنة دنمشي وصلنة يم جماعة يسار وسمعوا نهاية الحديث

حسنين:ها شيخ شمسوي يسار وتريد اتهينة

ياسر: الشيخ يسار مينهان وماعاش ولا كان ليحاول يهينة
زياد:والله عني يسار محظوظ عندة هيج اخ يدافع عنة ويوصلة للكلية ومداري الواحد شيريد من الله غير هيج اخ