دالياا....
وصلت للجامعة ودزيت مسج لياسر طمنته بس هم جان حيل خايف كلساع يدز مسج بحجة شدسوين وينج ميريد يحسسني بخوفة بس مبين لحد مطلعت من الجامعة هو يدز مسجات كتبتلة
جاية بالطريق
ياسر: 💬 من توصلين تعاليلي رأسا
داليا:ليش خوما اكو شي
ياسر:لا بس اشتاقيتلج
داليا: مممم تمام🙃
وصلت للبيت ورحتلة مباشرة سلمت علية و رد علية
ياسر: شلونج خوما تعبانة
داليا: الحمد لله يعني شوية وانت شلونك شلون صرت
ياسر: من شفتج صرت احسن
داليا: احم تريكت اتغديت اخذت دواك شسويت
ياسر: ماكو مسويت شي كاعد انتظرج نتغدة سوة
داليا: تمام لعد ابدل واجيك
ياسر: منتظرج
دااصعد ابدل لكيت امير ابن محمد بالهول اخذتة وياي وصعدت للغرفة جنت مشتريتلة نساتل كتلة
اي حبيب عمتو احجيلي شتفقنة البارحة
امير: اتفقنة اكلج شيسوي عمو ياسر من انتي مو هنا
داليا: اي احجيلي شسوة عمو منو فات يمة منو وكلة
امير: مسوة شي بس مرة راح للحمام وية عمو يسار وبيبي وكلتة ماقبل ياكل من هاي لبنية
داليا: هااا يعني فاتت يمة شكاللهة
امير: رادت توكلة كاللهة عوفي الاكل وطلعي هية ماقبلت كالتلة اوكلك اني فعمو كاللهة اخذي الاكل وطلعي ماريد وراهة اجتي بيبي وعمو حيل ضاج وعكد حواجبهة هيج ( يقلد ياسر شلون عاكد حواجبة) وحجة وية بيبي بصوت ناصي مسمعت شكال
داليا: هااا عفية حبيبي بس هذا الحجي يبقى سر بيناتنة مثل متفقنة السر مينكال لاحد
امير: السر مينكال لاحد متفقين
بوستة من خدودة
فدوة لوجهك حبيبي
اعرف هالشي غلط وميصير اعلم الطفل هيج سلوك بس ماعندي ثقة بالكل ومتوقعة طعنة بظهري بأي لحظة لهالمرحلة وصلت فلازم اتأكد من الاشياء لتصير بغيابي
بدلت ونزلت صبيت غدة لياسر ورحت كعدت يمة كال
شو جايبة خاشوكة وحدة
داليا : اي اني مجوعانة لان اكلت بالكلية
ياسر:بشرفج واني منتظرج علمود ناكل سوة
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
