خطأ طبي

60

سيفتح اللهُ باباً كُنتَ تَحسبهُ مِن شِدة اليأسِ لَم يُخلق بمفتاحِ💗.

ظليت متمددة بحضنة وهو يلعب بشعري ..

فترة طويلة احنة عن نفس الكعدة هو يدخن جكارة ورة حكارة
وصافن بالسكف واني صافنة علية
بس ماخليتة ينتبهلي

دار راسة دياخذ جكارة لخ انتبهت شعرة من الجانب صاير بي شيب

داليا: شو تعال دنك علية

هو عبالة اني كتلة دنك حتة ابوسة انطاني خدة
اني فهمت عقلة وين راح جعصت خدودة بأيدي ودرت راسة

ياسر: اخخخ ولججج

داليا: اصبر داشوف شو مشيب

ياسر: مو زين طلعلي بس شيب من وراج
داليا: لا كول والله مرتين اني شعلية خوب كول هاي سوالفك شيبتك

ياسر: والله صدكتي سوء تدبير مني ضيع مني هواي اشياء وخسرني هواي اشياء
وكل يوم اسكت بي دزيد خسارتي بس صابر اعرف الله سبحانة ميعوف عبده حاير

داليا: اكلك هية خربانة خربانة دسولف وفضهة عاد
ياسر: وربج اتمنى ع الاقل ارتاح
مخنوك الحجي واكف بلعومي بس انتي متتحملين
رغم انتي قوية وكايلهة قبل انتي من اقوة البنات الشفتهم
اني متتنازلين عن حقج ادافعين بشراسة
لو احطج بين الف زلمة محد يكدر يندك بيك
واثق من هالشي رغم هذا اخاف عليج
بكد ما انتي قوية انتي ضعيفة ومتتحملين
احس بسببي صرتي هيج وهالشي مأذيني اكثر
قبل زواجنة مجنتي هيج ابد

داليا: اول مرة تعرف شي صح عني
اني قبل زواجنة جنت قوية وجنت متأكدة ماكو شي يكسرني
جنت قوية ومتقوية بيك
يعني جنت معتبرتك سند الي حتلو اضعف حيقويني
بس اني انكسرت من السند
المكان الساندة علية ظهري ومغمضة عيني ونايمة انكسر
كمت اخاف اواجه لان اعرف محد بظهري وممكن انطعن بظهري بأي دقيقة
كمت انهزم من كلشي يصير حتة تصرف مااعرف اتصرف
اول طعنة مجانت المفروض تكون منك
تعرف ليلة عرسنة المتناقضة متطلع من بالي
لو تسويلي تمثال ذهب وتحقق كل امنياتي وتسوي المستحيل
هالليلة متنمحي واذا انمحت اكو مواقف غيرهة طابعة
انهانيت كرامتي انداست بالارض منو بحالي
اهلي بعيدين عني
انت ابعد من اهلي الي همة بعد مسافة وانت بعد عقل تفكير مشاعر تفاهم بكلشي بعيد عني
اجذب عليك اذا اكلك اتقبلك بعد
يجوز انت ع بالك اني متقبلة الوضع ونايمة بحضنك عادي
ومن تبوسني عادي
بسس اني متناقضة عقلي متناقض مشاعري متناقضة ساعة احبك وساعة اكرهك
وانت مدتخليني اطمن لوجودي وياك
كل مااكول انسى وخلص عقل تجيني بمصيبة جديدة