وصلنه للبستان وداليا من نص الطريق نامت
وبما انو البستان ملكيه خاصة فجان مسيج وبي بس بيتي وبيت الفلاح ابو غايب رجال جبير ومرته وماعدهم لا ولد ولا بنات
طبكت السيارة كدام البيت وداليا جانت متمددة ليورة صراحة خايف اشيلهة وتكعد وتتعصب او تفز مكان غريب عليهة ودنيا ظلمة
ظليت كاعد بالسيارة ومشتغله لحد مااجة ابو غايب خطيه الرجال فز عباله احد فايت للبستان طمنته ورجع لبيتهم
الجو برد واخاف لتتمرض كلت اشيلهة انزلهة للبيت
رحت فتحت باب البيت ورجعت للسيارة سميت بسم الله ودعيت متكعد لان اعرف راح اسويلي زفه
فتحت باب السيارة و سحبتهة ع كيف وشلتهة جان تكعد
فوتتهة رأسا للبيت قبل متستوعب اني مموديهة لبيت هناء
هو مو بيت نكدر نكول كوخ يعني اول متفوتون هول وراه غرفه بيهة حمام و مطبخ صغير
نزلتهة ع القنفة وحطيت ايدي ع عيونهة كلتلهة
نامي حبيبتي ارتاحي
طلعت ع السريع قفلت السيارة ورجعتلهة
لكيتهة واكفة تتلفت وخايفة والله كسر كلبي منظرهة شلون خايفة ومستغربه المكان كالت
انت خاطفني
ياسر:خاطفج شنو انتي زوجتي
داليا:وييين جايبنييي انتتت
ياسر:بس اهدي هذا بيتي وجبتج هنا حتة نتفاهم
داليا:ع شنووو نتفاهم ع يا صخااام ع خيانتك لو سواد عيونك
ياسر:هستونة طالعين من المستشفى ارتاحي وبعدين نحجي
داليا:انت تفتهم ماريد اباوع بجهرتك اصلا مو انوب احجي وياك
ياسر:اوكي ذيج الغرفة نامي وحدج واني راح انام هنا
داليا:لتستفزننننني ولتعاملني هييييج
ياسر: شسوي يعني دااحاول اتفاهم وياج بكل الطرق بس كعدي وسمعيني
داليا:ماريد شنو متفتهم داكلك ماريد وديني لبيت هناء
ياسر:ترة نص الليل هسة شتكوليلهة واذا حجيتي شي الموضوع ينكلب عليج شغلي عقلج عاد
داليا:معللليك وفر نصايحك لنفسج لان حفضحك فضيحة
ياسر:ميخالف موافق بس اهدي ونامي هسة لان مو زين عليج
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
