خطأ طبي

58

ما يفسدهُ العالم تصلحهُ سجدة مليئة بالحديث مَع الله 🦋.

داليا

مر يوم جديد وعادي حالة حال الايام القبلة
لميت ملابسنة الباقية بس مو كلهة بقيت اشياء من نجي نبات للعصر انتقلنة لبيتنة الجديد واخيراً حيكون الي حياة خاصة بية بعيد عن الكل
اكدر البس براحتي صح هناك ممتضايقة بالبس
بس مو مثل مااني بيتي البس بجامات لبس قصير بدون حجاب يعني براحتي ما اتقيد بوجود احد
وهم وقت اكلي نومتي كلشي حيكون بمزاجي مو لازم اكعد علمود احد

فتت لبيتي الجديد وكلت يارب اكتبلي بهذا البيت خير واكفيني شرة اتمنيت اكضي بي ايام سعيدة خالية من المشاكل والتفكير ومن كلشي جان متعبني

دافوت لباب المطبخ وياسر كال
فوتي برجلج اليمنى وسمي بسم الله هذا بيتنة حلالنة

جان فرحان فرحة موطبيعية عبالك هو الچنة مو اني كتلة

فرحتك غريبة الادري بي الرياجيل من يطلعون من اهلهم يزعلون ويضوجون شو انت بالمكلوب تشتغل

ياسر: فرحان لان هذا الاريدة من زمان اني وياج بيت وحدنة
اكدر اتصرف براحتي احجي براحتي هناك لا لازم احسب حساب كلشي
امي ابوية عائلة محمد
هسة عوفج من هذا الحجي تعالي نعزل بسرعة لان عزمتهم ع العشة وهم يشوفون البيت

داليا: تمام نزل انت الجنط نرتب الملابس وراهة نرتب البيت ونمسح

راح هو نزل الجنط واني جنت افتح الجنط وانطي الملابس هو يعلكهم بالكنتور ويرتبهم
كملنة بسرعة لان الملابس حاطتهم همة و تعلاگاتهم يعني بس ينحطون بالكنتور
شلت الجنط صعدتهم فوك
نزلت ع الاثاث مسحتة ومسحت الارضيات وعطرت البيت
وياسر غسل الحمامات والكراج ورش الحديقة وية اذان المغرب فات

داليا: الله يساعدك
ياسر: ويساعدج حبيبي كملتي
داليا: اي كملت ماعندي شي
ياسر: تمام لعد اني اصلي واطلع اجيب العشة

باوعت بعيونة وكتلة
يصير نصليي سوة

ابتسملي وعيونة جانت تلمع من الفرح مااعرف من طلبي مااعرف لان هو اصلا فرحان لان عزلنة كالي

طبعا يصير ليش حتة ميصير

داليا: تمام بس اتوضى واجي
ياسر: انتضريني اغسل ع السريع لان غسلت الحمام ما استنظف
داليا: اوكيي حفرش لمصلايات بين متجي

رحت توضيت ولبست حجاب الصلاة مالتي وفرشت سجادة لياسر وراهة وسجادة اليي وكعدت اسبح واردد اذكار اجة جان لابس دشداشة نيلي شافني دانتظرة