طلعت راسا اخذت منوم ونمت حتة مااحس بشي بس اريد انهزم ماريد اذكر الصار...
حسيت ورة فترة ياسر ديكعدني
صحيت دااحس بالحواليه بس مدااكدر احرك جسمي
اصبعي مدااكدر احركة مو بس جسمي
دااحس روحي مو بجسمي عقلي ديشتغل ودااسمعه شديحجي بس مدااكدر اتحرك
اله هو هزني حيل من كتفي
كمت بشهكة شكت صدري
ياسر:اسم الله بيج شي
مجاوبته بس كلبي جان يدك بطريقة جنونيه مااعرف شصار وياي
ياسر:ترة المفروض قبل ساعة نطلع بس كعدتج هواي ماكعدتي
مجاوبته مااريد اسمع صوتة ولا اشوف شكله
ماريد عيني تلتقي بعينه
اجيت ع روحي رغم كوة دااتحرك كمت فتت للحمام توضيت وبدلت وطلعت صليت
كملت هو كال
تقبل الله
هم مجاوبته بس هزيت راسي
ياسر:داليا اذا بيج شي تعبانه نكدر نأجله ع غير يوم
داليا:مابيه شي
مباوعت بوجهة رغم اجة وكف كبالي
عبرته ورحت وكفت كبال لمرايه حطيت بس واقي شمس لان
حنسافر بالسيارة للشمال
ياسر:الجنط حطيتهم بالسيارة عندج شي بعد لو بس الجنط الجهزتيهة
داليا:تؤ ماعندي شي
ياسر:حطي شي ع كتفج ملابس خفيفة ومن نطلع من بغداد يكسر الجو وتستبردين
داليا:ممممم
مااعرف حسيت هو جان ديحاول يحجي ويسوي حديث بينه
بس اني مدااكدر استجيب كلش مستحقرة نفسي ع الحركة السخيفة السويتهة
مخجلانة منه بكد مخجلانة من نفسي
نفسي عزيزة مو مال انزلهة واهين روحي بهالطريقة
بس صارت بعد غلطت
ومن هاللحظة لازم اسوي المستحيل حتة ابتعد عنة ولازم يتم الانفصال بينه
كملت لفيت شيلة شلون مجان لان اني اصلا بالسيارة كاعدة واخذت نظاراتي وجنطتي ونزلت
تقريبا الكل نايمين بس خاله كاعدة سلمت عليهة هو جان يتريك
ياسر:اكليلج لكمة قبل لنطلع
أنت تقرأ
خطأ طبي
Любовные романыقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
