خطأ طبي

Part 49

داليا.....

عدة اليوم البعدة بشكل عادي التهيت بين ياسر والخطار المديخلصون نهائياً حتة ياسر خطية كلش ديتعب ويتأذة بسبب الهوسة والدوخة وهو منا الادوية ساطرتة سطر ومنا الخطار بس متحمل وساكت

هاي لبنية ياسر فارض عليهة حظر تجوال بالبيت  حتة من الغرفة متطلع حتة محد يشوفهة رغم خالة دتحاول تخليهة كدام عينة بس هو رافض

اجوي نسوان عمامي وعماتي تحمدوا لياسر بالسلامة وكعدوا شوية وراحوا

بالليل ورة ماراحوا الخطار وكملت تنظيف صاحلي ياسر كالي

تعالي عندي سالفة مهمة وياج كتلة

تمام وسحبت كرسي وكعدت مقابيلة المسافة بينة قليلة كلش كال

تذكرين قبل فترة صار بينة خلاف جبير وبيومهة كتبتي شروط من ضمـ...

نزلت راسي بين ادية وتنهدت تنهيدة طويلة
اووووف ياسر ليش تذكرني بسوالف كوة ناسيتهة
يعني انت هسة دتذكرني لازم اطلك منك لان خليت بالاتفاق ورحت اتزوجت علية وخنتني لو دتذكرني الخمس اشهر لتفقنة عليهة راح تخلص لو شدتحاول تسوي

عاط بية
سكتييي رحمة لوالديج سكتييي لمرة وحدة خليني اكمل لمرة وحدة فهميني بدون متحكمين علية لججج اني شاريج بروحي غلطت اي الله ياخذني غلطت غبي شسوي طلبت منج فترة احل كلشي واتفقنة ليش دترجعينة لنقطة الصفر البارحة شحجينة نسيتي

مجاوبتة حسيت شي بداخلي نكسر من اذكرت الاتفاق لبينة رفع راسي بأيدة والتقيت عيني بعينة نظراتي الة جانت تعبر عن كل انكسار بداخلي بسببة كال

اعذريني كسرتج وأذيتج بس كتلج صبريلي لتأذيني بيج وانتي ماسمعتي مني شريد احجي

داليا: احجي ياسر شعندك
ياسر: جنت  داكلج اتفقنة اشتريلج سيارة وافقت وكتلج احطلج سايق وهاي تمت بس اني اشتريتلج بيت حيكون بأسمج واذا تحبين ننتقل نسكن بي واذا متحبين احنة باقين هنا بكيفج بعد

داليا: ياسر منو كالك اني اريد منك بيت او سيارة او اي شي مادي ترة كلهن مو بالي اني جنت رايدتك بس الك وانت ماشاء الله ماقصرت ياسر لتشوفني كدامك قوية وصامدة ترة طاقتي خلصت وكتلك اصبر عليك وصبرت

شراح اتسوي حطلك هاي لبنية اوكي نكول طلكتهة شراح اتصلح بعد الفيديو الي لحد الان موصلني النسخة الحقيقية منة لو كلامك بداية زواجنة لو سالفة مرضك الي لحد الان مااعرف صدك لو جذب نكول فرضاً سويتهن كلهن وصلحت كلشي

ياترى اني راح اكدر اوثق بيك بعد؟؟ راح اعيش وياك طبيعي واتصرف كأن مصار شي وكرامتي وكلشي انكسر راح تكدر اتصلحة