داليا....
عدت كم يوم هادئة عليه اني وياسر كلام قليل بس هو ديحاول يصالح و يتودد الي بس اني بعدني مصرة ع رئيي و ع قراري
بنفس الهدوء هذا البيت كان متوتر بسبب قرب ولاده ميساء
بيوم جنت راجعة من الدوام اول مفتت من باب الشارع اسمع عياط عمو وياسر
فتت بسرعة اتبع مصدر الصوت طلعوا بالاستقبال و من فتت بكد ممعصبين ومتوترين محد لاحظ وجودي
كان الحديث بينهم عباره عن
ياسر:يابه اني انجبرت مو كدامك انطونياهة هدية وين اكدر ارفض بعد انحطيت تحت الامر الواقع شبيدي يعني
الشيخ: انت غلطان لو ساكت ومخليني احجي مجان صار هيج انت متزوج جديد ومرتك بعدهة عروس اتجيب ع راسهة ضرة ليش بأي حق تسوي هيج شيي
من سمعت كلام الشيخ آذاني كامت توش ما أسمع صوتهم بوضوح عيوني بدت تغوش جنت واكفة يم قنفة رأسا كعدت عليهة من الدوخة
وراهة سمعت صوت يسار عاط بأسمي كال
داليااا شنو هالدم
وفقدت ماحسيت بشي بعد
كعدت ع ريحة ديتول قوية وضوة ابيض بعيوني كوة فتحت و اصوات ناس ديحجون من ضمنهم صوت الكاسرني
ديسألهم عني وشوكت اتحسن يعني بأختصار يقتل القتيل ويمشي بجنازته
بس هاهيه خلص كلشي انتهى احنة اصلا جان بينه خيط من قطن بأقل نفخة ينقطع مو انوب عاصفة قوية واعصار هزني هز
يسار جان موجود هم وانتبهلي من كعدت صاح للممرضة
كالتلي الحمد لله ع سلامتج شتحسين هسة
كتلهة مابيه شي
كالت الله سترج ضغطج معلك وجان انجلطتي
مجاوبتهة بس رد عليهة يسار كاللهة
صلي على نبيج هو هيج الحجي
اجة الكاسرني يمسح ع راسي ويكلي الحمد لله ع سلامتج
مجاوبته ودرت وجهي عنه وجهت كلامي ليسار
يسار اخذ هذا ما اريد اشوف وجهة رجاءاً
يسار:احد بيكم يفهمني شنو المشكلة ياسر معصب وضاربلة صفنه انتي ردتي تنجلطين شكوو فهموني
داليا:ماكو حجي بعد يسار اخوك المصون متزوج وعايش حياته
يسار :شنووو مستحيل ياسر احجي شي داليا مفتهمة غلط موو؟!
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
