خطأ طبي

Part 35

داليا.....

سافر ياسر وصى يسار هو يوصلني للدوام

بس صارت خلافات بيني وبين يسر بسبب هالشي
وحتة وية يسار صارت تتعارك لان يوصلني وهنا قرر يسار ينهي علاقتهم نهائي لا صداقه ولا حب

رغم كلش انقهرت ماردت تخرب علاقتهم بسببي بس يسار كالي
مو بسببج هية دتتعزز عليه وتريد تنهي مبين هالشي لهذا دتسوي مشاكل تريدني اني انهي

انتهت قصتهم بس مع الاسف خسرت يسار

هناء.........

بعد ٦سنين زواج مصار عندي اي طفل
كلش تعبت نفسيتي من هذا الموضوع و هشام مجان يقبل اروح لأي دكتوره
اراجع
يكلي لتلعبين بروحج هو رزق شوكت ميجي هلة بي

لحد ما بيوم ظليت ابجي وزعلت منه يله قبل اروح

رحت اني وعمتي

سويت فحوصات وسونار طلع كلشي مابيه بس لازم هشام هم يسوي فحوصات

وبعد عناء طويل كوه يله قنعتة يسوي الفحوصات

بس بعد ما سوة الفحوصات كلش تغير عليه حسيت هذا الحب الاسطوري بدة يقل بأول مطب النه

كام يتأخر بالرجعة للبيت يضوج من احجي ويا حتة بالعلاقة الحميميه اختلف ١٨٠ درجة

كلت ميخالف اكيد تأثرت كرامته لان طلبت منه يسوي الفحوصات

راجعنه الدكتوره اني و عمتي هم طلعت المشكله بهشام

وكتهة انقهرت كلش كلت يجوز هو يعرف الخلل منه لهذا مراد يسوي فحوصات و تغير عليه

لهذا قررت اضم هالموضوع وما اكول لاحد بس عمتي تعرف

واتفقت وياهة منكول لاحد وهية خطيه وافقت وضلت تبجي ع ابنهة

ومن رجعنه خبرت هشام التحاليل نظيفة بس هو رزق من الله

بوكتهة جاوبني جواب بااارد حيييل
اي اعرف مابينه شي

توقعت يصبرني او يحجي اي شي يواسينه بي ماكو حجة هالكلمتين و عافني وراح

بوكتهة بجيت بجي واختنكت بس صبرت اني احبه لهذا الانسان وتعبت يله حصلته

مر شهر تقريباً واحنه ع هالحاله حتة عمتي حجت عليه ومقبلت بتصرفاته

لحد ما بيوم فات للبيت ايد بأيد ويه وحدة غيري