نمت نومه مال اهل الكهف هم كاعدة من الصبح وهم بعدة تأثير المنوم ودوخة الطريق مااعرف شكد نمت اصلا ما حسيت بروحي
الا سمعت الباب يندك بقوة ويسار يعيط
داليااا
دالياا يمعودة بيج شييي
والتليفون ديدك
مااعرف اني وين مدااستوعب
كوة كتلة
اي ثوانيي
الدنيا ظلمة وعيوني كوة داافتحهم من النعس
كمت فتحت القفل وهو راسا دفع الباب عليه
داليا:اييي ع كيفك
ياسر:بيج شيي
داليا:لا يعني شبيه نايمة
ياسر:بشررفج كل هذا نوم طلعت مرتين ورجعت وادك عليك حركت التليفون وردت اكسر الباب وماحسيتي الله واكبر
جان يحجي بعياط وعروق ركبته بارزه
صراحة كلش خفت منه ماجاوبته شي ظليت واكفة بمكاني واباوعلة
هو انتبه علية بعدني فاصلة اجة لزمني من كتفي
ياسر:انتي ماخذة شي يعني حبوب منوم
داليا:لا كلشي مماخذة بس تعبانة من الطريق ماحسيت
ياسر:لج بابا شنو ماحسيتي تدرين هسة ساعة ٨ بالليل كم ساعة صار نايمة
داليا:ايي وشنو يعني حرام انام واني تعبانة
ياسر:والله انتي مو طبيعيه ماكو انسان عاقل يسوي سوايتج
جان يسحب المفتاح من الباب وكال
بعد ممنوع تقفلين الباب عليج
داليا:جيب المفتاح مالك علاقة بية
رجع لزمني من فكي بس خفيف ورفع راسي صارت عيني بعينه جان مخنزر بس يحجي بهدوء
اششش ولا حرف ماريد الصار يتكرر مرة ثانيه
حط راسه ع راسي
ياسر:اجة كلبي يوكف عبالي صار بيج شي
ماردت اضغف كدامة رغم القرب البينه بس لازم مااضعف لازم اقاومة
دفعتة من صدرة بكل قوتي وكتله
لتسوي روحك خايف عليه ماكو داعي لهالحركات نايمة مامتت
عفتة ورحت للجنطة فتحتهة اخذت ملابس وفتت للحمام
أنت تقرأ
خطأ طبي
Romansقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
