خطأ طبي

Part 42

داليا....

ورة مااخذوا ياسر للمستشفى خالة رجعت لنوبة البجي واللطم

اوكي ابنج وكلنة مقدرين وضعج بس لازم تدعيلة مو تلطمين علية عبالك ميت لا سامح الله

شكد حجت وياهة ام ميساء ماكو قافلة تالي الكل عافهة بقت وياهة بس لبنية الهدية الي لحد الان معرفت اسمهة

اجتي سارة لغرفتي جانت تبجي حضنتهة وهديتهة سألتني شبيهة الغرفة هيج

كتلهة

تخبلت شوية وطلعت خبالي بالغرفة وهسة عقلت

سارة :داليا اني كلش خايفة

داليا: من شنو حبيبي

سارة:خايفة ع ياسر شفتي شلون متوجع وديلوب

داليا:ياسر قوي وازمة وتعدي علينة ان شاء الله ولازم نصبر ونحمد لله ع كلشي ديصير ويانة مابيدنة شي غير ندعيلة

سارة:انتي خايفة اكثر مني اني اعرف بس دتريدين تقنعيني بهذا كلامج

داليا: اجذب عليج اذا اكلج مخايفة علية اني مرعوبة بس الله موجود ويغير قدرنة بدعاء البجي واللطم هذا كلة ميفيد نتوجه لله وهو سبحانه يرحم بحاله وحالنه

سارة: يلة لعد خلي نصلي وندعي مثل ما بابا دائما يسوي

ابتسمت ع طفوليتهة رغم جبيرة واعية بس تتصرف تصرفات طفلة لان تعاملنة وياهة مثل الاطفال ماعدا خالة تعاملهة وياهة جاف

المهم صلينة ودعينة هواي كتلهة

يلة سارة كافي رجعي لقرايتج لو روحي نامي ريحي عقلج

سارة: ماا والله مااكدر اركز ولا اكدر انام بالي كلة يم يسوري

داليا: وياسر لو يدري بيج عايفة قرايتج يزعل

سارة: دوديي والله مااكدر اصلا عقلي ديموتني ماريد افكر بشي تعبت

داليا:اوكي اني هم تعبت من التفكير والانتظار فكومي نظف الخراب لمسويتة بالغرفة

كمنة نظفنة الغرفة المكياج لمكسر ذبينا والعطور لتكسرت هم ذبيناهة اطارات مال صور اكو تحفيات خشبية هم متكسرة كلشي انكسر ذبينا ونظفنة الغرفة بس طولنة هواي لان كضيناهة تصفن

صارت الساعة ب١٠ تقريبا

خابرت يسار مارد
محمد كذلك