دمار

البارت الاول🧡

_النسيان خدعة أوهم الإنسان بها نفسه بأن يتجاوز
التعثرات والآلام ،،لاكن في الحقيقة تكمن في
المشاعر ،،في القلب ،،في الجوارح...

_____________

بقلمي&تبارك الشمري

وجان ارجع الكم من جديد مشتاقتلكم هواي..

القصة حقيقة حبايبي
،،،،،،،،،،،،،،،،،،،،،،،،،،،،،،،،،،

عام 2012 تركيا تحديد سامسون

ملاك/ ساعة 4 العصر كاعدة بالبالكون الجو بارد ثلج لابسة تراك ثخين اقرة كتاب ومندمجة بكلماتة الي مثل العلاج فزيت من صفنتي على صوت خالتي تصيح..

هند/ اني شلون وياكم والله تعبتوني راح اهج الغير ديرة بس من مشاكلكم..

ملاك/ سديت الكتاب وكمت دخلت بملل يومية هاي القوانة من ودق تلبس ملابس اسيل وتطلع كم مرة حذرناها هاي حقنة حيل تتنكس...

اسيل/ بصياح مابقة شي وعوفكم بس اعبر سن القانوني الاكشر واني اهج أروح يم ياسر شلي بيكم كطيعة التكطعكم..

هند/ باع السان العرمة شلت النعال ركعتها بي حرامات تعبي بيج وسهري..

ملاك/ النعل تتطاير واسيل شايلة فستانها وتترادد وياها  رافعة ايدها رحت يم خالتي اهدئها كافي ياعيني هسه سكرج يصعد عليمن كعدتها عالكرسي وانتي هيي رفعت ايدي عطت بااسيل اسكتها ميفيد حيل عرمة..

هند/ موهاي الجايفة مسوية روحها نظيفة وتتنكس هي الباسها مغاسلتة..

اسيل/ وعليمن اغسلة عشتوو المن حاطين غسالة..

هند/ مو الغسالة من كيفها تفتر شمفص بت ال

اسيل/ بت الشنو احجي؟؟

ملاك/ عطت بيها اسكتي كافي عاد يومية مامليتي..

اسيل/ انتي شكو عليج  محد يوصل ملابسج..

ملاك/ اني اشتريلج بس اسكتي هنة يتعاركن على تيشيرت لو فستان بطرانات والله طبت بغرفتها وركعت الباب رجعت فتحتة تخزرنا وركعتة..

هند/ باع باع تعبت الصلافة اني كبرت مااتحمل بعد مااتحمل..

ملاك/ لزمت ايدها افركها بهدوء حقج ربيتينة وتعبتي علينا حتى زواج مقبلتي تزوجين..

هند/ مااريد الزواج ولابطيخ عليمن البية مكفيني..

ملاك/ اني دافكر ارجع للعراق والله حيل اختنكت هنا موحياتي..

هند/ لزمت ايدها وين يمة مرايدة روحج ترجعين هناك بلا شي الوضع موتمام وابوج !!

ملاك/ الى متى الخوف ميت مرة كتلة عوف هاي الشغلة شلك بهل سالفة تعبت والله اني راح ارجع قراري نهائي تجون وياي على راسي متجون ارجع الوحدي اموت هناك ولا بالغربة..