دمار

البارت 54

رف.. لكن على اليستاهلونك كون
على المن تشب نارك حرك بي تشتم
على المن ما يشوفك بالحلم يومين
الف حسبة إعلى بالة من القلق تلتم
على الي يمدحك من تختلف وياه
كدام اليريدك بالذكر تنذم
الما يهتز حبل حنجرته وكت الغيض
وبلحظة زعلته بدمعة يتلعثم

___________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،،،،،

ملاك " رفعت راسي عياط وصوت امان اريد اتحرك احس روحي نشليت من الحركة بدون وعي جريت عباية الحجية من الحبل وطلعت اركض لازمة بطني..

شفت الناس ملتمة يم الباب واحد يكول للثاني شكو وشبيهم ريحة دخان من البيت..

وامان وجربوع ماكو اعصابي كلها ترجف اريد اتقدم خطوة بس رجلي متعيني بس اعرف شكو اسمع قدر تعيط..

قدر " لاااا عووفني ولككك اخذها مني انته السبب انته..

_ تقدمت خطوة اريد افوت البيتها صاح عليه امير التافيت لكيتة وراي طالع كال..

امير " هاي شكو شعندج طالعة؟ امان وين شصاير؟؟

ملاك " جاوبتة ماادري شصار قدر تعيط جووة..

امير " فوتي جوة هسه انه اشوف..

ملاك " رجعت طبيت بالكراج اروح وارجع اعصابي ترجف خايفة على امان اجت الحجية واسيل لزمتني تهديني رادت تطلع مقبلت لأن امير حذرني من فتت محد يطلع بس نسمع الصياح قدر..

امان " خابرني جربوع متوتر مدري شبي هالاغم صارلة فترة مو على بعضة لبست ملابسي وطلعت برة بالشارع لكيتة يم سيارتة تقربت يمة هاخير شمالك تروح وترد؟؟

محمد " الحكلي يخوي وكعت بمشكلة مااعرف شسوي..

تقربت لزمتة من جتافة خيرر شني المشكلة احجي بقة يتلفت بعدين جاوبني..

محمد " انه وقدر بينة علاقة..

أمان " شمالك صاير تهلوس مو عفت البت بحالها وايست متريدك شني عندك علاقة؟؟

محمد " ماعندي وكت اشرح هسه طليقها اخذ بتها من سمع عقدنا بدون علمة..

امان " اخذ بتها شلون؟ وانته شوكت عقدت وانه ماادري.؟

محمد " موكت هذا الحجي انه على مودها يخوي ماقبلت احد يعرف ولو تطلب روحي مني انطيها الها متعرف شصاير بية شهور وانه اقنع بيها..

امان " وهسه شنو تريد تسوي..

محمد " انه لوبيدي افلش وجهة بس هي واكفة بعيني عفتها تبجي على بتها واجيتك..

امان " نطيني عنوانة انه اروح احجي ويا احسن بلكت نتفاهم جا هو مو مطلكها بعد شعلي..

محمد " هو مقابل يطلكها بس من عايفتة مخليها توقع بالعقد مال طلاك في حال تزوجت ياخذ بتة..