دمار

البارت 55

انا بلياك مدري شبيه مابيه
زلف وبلايه ترجيه
درب مابيه كل جيه
نهر فاض وتبع ميه
ورجع بس مالكاله جروف

كون تشوف
روحي شخله بيها الخوف
مطلوبة نذر وتخاف
ماتوصل حضرتك من بعيد تطوف

___________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،،،،

اسيل " بعمري متخيلت بيوم يصير هيج فاجعة ودق
مثل الصدمة وجهة جسمها كلها على بعضها محتركة صوتها مفرفحة تصرخ  اريد اوصل..

يمها اخفف من وجعها مااكدر بس دموعي تنزل كل القوة الجنت اتظاهرها قبل اختفت...

بشوفتها صعب من تشوف اقرب الناس الك بهيج حالة ومتكدر تخفف من وجعة بقيت لازمة الباب مااعرف شسوي غير البجي..

ملاك بالكاع كاعدة ادك على وجها بهسترية وتعيط امان
لازمها يهدي بيها تزيد متنقص..

ملاك " لاااا عووفني ولككك دشوف حالتها دشوف ياربي لا مااتحمل بعد مااتحمل صدمات ليش هييييج..

امان " كاافي اهدددي يابوية اهددي هذا قدر الله...

ملاك " ياااقدر هذا ياااقدر مسحت وجهي انداريت حجيت بصوت مبحوح....
أشر عليهم هم هم حركوها كمت بية مابية
ركضت على ايمن اضرب بي بحيل مهدود على وجهة بكل مكان..

لككك عااار انته من وراك اختي دمرررت ادمرررت جرني امان محاوطني من ورة لازم ايدي بكل قوتة بقيت اكمز بيدة عوووفني عوووفني..

ايمن " انه معلية ماحركتها هي..

اسيل " سدو البردة والباب عليها ميقبلون ندخل لان يصلخون الجلد المحترك انداريت..

عليهم ملاك حالتها حالة مسحت دموعي رحت عليهم اريد اعرف اختي شلون احتركت مامعقولة هي تحرك روحها مثل ميكول وكفت كبالة ايدة...

اثنينهن ملفوفة عطت بي صاكة سنوني شلووون احتررركت احجي تلفت على اختة والمرة اليمها يبجن انوب باوعلي كال...

ايمن " مااعرف هي حركت روحها انه شفتها يم الحلال تركض شابة نار وتعيط..

امير " بصياح هيج بلا سبب حركت روحها؟؟

ايمن " مااعرف انه ماكو سبب..

_ لزمة امير من خوانيكة حصرة عالحايط ضربة بوكس بوجهة عيونة تجدد عصبية...
شلون بلا سبب شوداها هناك ااااحجي لا وعلي اجنزك..

ايمن " وخر ايدك ترا مرتي الي احتركت مو انته مقهور عليها اكثر مني  وانه ماقبلت تروح بس جلبت ماترضة تجيكم..

ملاك " بصياح جذاااب انته واحد جذاااااب..

امان " كافي شبيج بابا اهدي موزين عليج لتنسين بنتنا..

اسيل " ملاك كعدت عالمسطبة الي بالممر رحت يمها ايمن واكف بقة يصيح ويسمر بيدة يكول..

ايمن " بيش عارفيها مبارك بس تتعاركون وين اخوها؟ ابوها... لاعم لاخال يسأل انتو شدخلكم؟؟