دمار

البارت 50

ودق..

هل كان قلبي قاسياً ليكون هذا الهجر قدري..
أم أني مظلوم في بحر الحب وحدي.

أنا الغلطان حبيتك ولا تستاهل أنت الحب
حسافه يوم سميتك حبيب وأنت ما تنحب.

_____________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،

ملاك " كعدت من الصبح حتى اروح اني وامان الودق بدلت بس متوترة كلسع انسى شغلة يافون ياجنطة حتى امان انتبهلي اجة وكف كبالي باوعلي بقلق وكال..

امان " شبيج حبيبي..

ملاك " خايفة امان خايفة..

امان " من شنو خايفة غير اعرف..

ملاك " دنكت راسي تجمعت دموع بعيوني رفع راسي بيدة قلق كتلة اذا متقبل تشوفني شلون امان خايفة منها وعليها صفن بوجهي بحيرة سكت شوية وكال..

امان " نروح والله كريم حبيبي اتفائلي..

ملاك " ونعم بالله ردت اطلع لزم ايدي وحضني خليت راسي بصدرة جنت محتاجة يخفف عني التوتر عبالك رايحة للموت مو الاختي كلبي لاعب عليها خاصتا مفكرت تخابر ولا تسأل..

امان " يلا نروح..

ملاك " بعدت راسي مد ايدة لزمتها دافية ابتسملي رديت الابتسامة طلعنا من الغرفة ايد باأيد نزلنا جوة لاكتنا الحجية جانت ساعة ب ٧ الصبح باوعتلنا مستغربة كالت..

الحجية " هايمة وين رايحين خير خو ماكو شي..

راد يحجي امان كالت..

.. شنو مها بيها شي جابت كلولولي وجهكم ميبشر بخير اخاف هنودة بيها شي..

مد ايدة وهز راسة سوة يكلها..

امان " كملي بعد شتوقعين انه اكلج امير بي شي..

من كال هيج صرخت وضربت على رجليها..

الحجية " يبووو صخام يمة وليدي راااح شبي ولللك..

_ راد تلطم على وجها لزمتها حضنتها باوعت الامان يضحك كتلها ماكوو شي والله ماكو شي رايحين الودق رفعت راسها باوعتلي كالت..

الحجية " جا متحجون صار ساعة اكلكم..

امان " وانتي انطيتي مجال موتي العشيرة شمالج امولة..

الحجية " امشي لك مسربت منعول..

امان " يلا حجية اودعناكم ورانة طريق..

الحجية " تدري بيكم رايحين الها ؟؟

ملاك " لامتدري وحتى لوتدري ومتقبل اروحلها تبقى اختي وصغيرة لازم واحد يوعيها باوعتلي ومسحت على راسي باوعت شفت امان رافع حاجبة كال..

امان " انتي واعية وفاهمة ياصلوات من شوكت..

ملاك " ليش عندك شك امان افندي!؟