دمار

البارت 22

مالحگت واحجيلك اشـ بالگلب
وضميتلك باقي السوالف وأنْ
ادري برجعتك ماتصح بحلم
لابيك رجعة ولا عمر ينضمن

_______________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،،،

امان " اسبوع مر عليه وانه بالتعذيب كل يوم باليل يجون جنود ياخذونا يعلكونا فلقة واشد انواع الضرب والسب بالاخير انه بشر وعندي احساس...

معلك راسي جوة ورجلي فوك مربوطة احس الدم اتجمع براسي وكل اطرافي انشلت من الحركة صار ساعتين على هالوضعية...

بس بالشورت الداخلي والضوة خافت بس من جوة الباب شفت رجلين وكفت يمي مااكدر ارفع راسي واشوف بس انشاليت من راسي واحد عسكري يطلع بالاربعينات ..

سمين وكصير الحد هسه اذكر اسمة سعد مد ايدة فتح الحبل وكعت بالكاع يم الزوية ويا جندي حجة..

سيدي الولد اعترف وهو ساعدنا نلزم المنظومة ويصير اخو الضابط امير..

سعد " بصياح معليك انته روووح جيب سطل المي..

__ راح الجندي مشة جاب سطل مي ايدي خدرانة اريد احركها مااكدر حلكي يابس ابلع ريكي ماكو يابس كعد مقايبيلي سعيد على كرسي ..

جرني من شعري حيل وانه مدنك رفعت عيني بعينة بس عيوني مغوشة بمسافة والسطل كدامي...

جرني غطس راسي بي اقل الدقيقة وطلعة شهكت نفخت المي نكتت راسي باوعتلة وكفرت****** رجع غطس راسي ويصيح..

سعد " حيوااان ناقص باوعلي احجييي شكم مرة امفجر نفسك..

__ طلع راسي باوعتلة قزم مدحدح ومن يحجي يمتمت رغم التعب الاني بي ضحكت والجنود الوراه لازمين حلوكهم ويضحكون..

سعد" بصياح على شنو تضحك احجي كم مرة مفجر نفسك...

ضحكت مستهزء اندار عالولد ورجع يباوعلي يخزر كحيت وكلت جا هو ليفجر نفسة يبقى عايش انطعن وجهة كام وكف ...

جر مثل الكيبل مال الكهرباء ضربني لحد ما فحط دار وجهة كلهم علكو فلقة للصبح اجو شالوني من الكاع علكوني باوعلي وطلع..

اجذب اذا اكول مااتاذيت لان حتى الزمال يحس جسمي يصل علي وانه معلك حتى الاكل الجان يدزة امير كامو ياخذو الجنود..

وينطونا من اكلهم فاصولية خربانة لو مركة شجر للصبح وانه معلك بقيت اغفي من الالم والتعب كمت ماحس بشي لحد ماسمعت صوت امير برة بالباب يصيح..

امير " وينةة هذا الكو*** انه موكلت امان محد يوصلة ليش تخلوني اطلع وتشتغلون من وراي ليشش...

سيدي مو احنة والله المدير وعميد سعد...

امير " وخرر انه اليوم ارفع كتاب بحقهم ارد اشوف شلون يتصرفون بكيفهم الولد اعترف وساعدنا بعد شكوووو الكتل..