دمار

البارت السادس عشر

من الاسماء الچثيره هواي چزيت
عليمن ينسگي الما يسوه احصده
انه المن خاطر ويه الناس وفيت

ابد ما دورتلي چتاف اصعده
خفت حتى على اليگولون جفيت
اغرگهم اذا ما اخلي سده

ما نادم على المنهم تبريت
ما اهم بجرح ما يسوى اشده
يكفيني عفيت وزين سويت
وشمرته ومستحي من الشط اجرده

_______________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،،،

ملاك " اكثر شي يضوجني لو يكسرني هو الاثار بعد مكدرت اقاوم دموعي نزلت واني كوة جنت كاتمة شهكاتي دفعتة حجيت من بين دموعي صاكة سنوني كتلة كااافي كااافي..

حجيت بتوسل وخيبة شكبرها عووفني بحالي مكفاك السويتة بية هااا جريت الربطة من ركبتي بين اثار الجويات شووف باوعلي يتفحص وجهي بس محجة شي ولاتحرك ...

تريد تضحك عليه فرحان موو بالسويتة اصفكلك ضربت ايد بأيد بخيبة اهنيك  نجحت بدماري وكسرتي ياضالم حيوووان انته حيوووان...

بقة مصدوم على الكلام الطلع مني خزرني راد يحجي دفعتة من جتفة وخر من طريقي طلعت من المحل اركض حتى مشفت الباقين..

رجعت للبيت امشي وابجي الناس تمشي تباوع عليه واتاشر سرعت خطواتي بس الطريق صار شطولة ولاعبالك بس فرع  وصلت للبيت فتحت الباب وفتت جوة دكيت حيل فتحتة خالتي مخروعة...

هند " هاا يمة خير شبيج ولج شصار وين خواتج بيهم شي...

ملاك " اشهك واحجي لاا مابيهم كلشي مابيهم اني البية انيي انيي دكيت على صدري بقت تسأل شكو وشصار  عفتها وطبيت للغرفة قفلت الباب وانهديت بالبجي اناشغ كعدت بالكاع...

منتجية عالباب ابجي اني ليش مومثل البشر كل مااكول خلص راح اتجاوز الصار واني قوية يطلع بوجهي ويرجعني النقطة الصفر بكلامة مااتحمل والله مااتحمل الي يصير وياي من التوتر اهلس بشعري صاير حتى متكرطف ورة شوية سمعت صوتهم رجعو يحجون برة...

ياسر " وينها هاي تحجي صدك تخلينة ندور عليها كلبنة المجمع وماكو...

اسيل " عوفها قابل صغيرة المهم مابيها شي...

هند " هو شكو اجت تبجي وتعيط اصار وياكم...

اسيل " ماادري راحت للمكتبة تاخذ شغلات شو مرجعت رحنة سألنة ابو المكتبة كال طلعت تبجي من المحل وراها ولد..

هند " منو هذا الولد هم امان يعني مو ميت مرة كلنالة عوفها بحالها شكو يطلع بطريقها...

ياسر " واذا طلع بوجها غير زوجها وعلى ذمتة غصبا عليها تشوفة بلا استهتار...

ملاك " اسمع كلامة والكره يزيد بداخلي صح اخوية بس حاقدة عليه هو عاش حياتة بااحسن صورة ويريد مني اني اتعايش ويا وكأنو مصاير شي هذا ضلم بقيت على كعدتي لليل لحد مغفيت من البجي...