دمار

البارت 28

                   محاورة بين العاشقين...

شفت كل الجروح المنها اعاني
صدك باقي اثر بس باجر يروح...
واذا اضطر ابدل جلد ثاني..

من اشتاكلك تنعصر روحي عصر..
ومدري شطلع صوت لمن أون
علمني ياشباج مابي الك

دمعة ودعاء وعصرة ايد وحزن
علمني اشوفك حتى ابطل العمة
علمني انام وماتجيني بحضن...

______________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،،،

امان " بصياح ماانتهى ولا راح ينتهي مادام انه ماريد ينتهي...

ملاك " سكتت احاول اهدي الوضع واني داخلي بركان رجعت كم خطوة ليورة كعدت عالقنفة باوعلي بحيرة كتلة همس أمان فرك وجهة ولحيتة باوعلي بحيرة كال

.. روحة الأمان.. ملاك لاتلعبين علي انه موغشيم انه غلطت عمي اني كلب ابن كلب..

__ دنكت راسي فززني لمن دك على صدرة رفعت عيني كال..

امان " بس حبيتج أنسي الي صار انه ليلي ماانامة ضميري ياكلني...

ملاك " همست مستحيل انسى باوعتلة رافعة حاجبي كتلة يعني انته جايبني هنا تريح ضميرك..؟

... ملاكي لا وعلي مو مهم يرتاح ضميري المهم انه اشوفج واشوف عيونج...

__ ضحكت مستهزئة عيونج مو عيونج هزيت راسي  نسيت لمن تكلي الحولة جر نفس باوع منا ومنا مد راسة ورجع باوعلي عيونة حمر..

امان " انه ماجنت اعرف اعبر عن حبي الج صدكي بيوم العفتج نايمة بوجعج...

ملاك " اشش رفعت ايدي اشش سديت اذني ودنكت ماريد اتذكر خلص كمت وكفت الدموع بعيني رفعت اصبعي جانت المسافة البينة بس متر كتلة منو انته

مراح اسمحلك ادمر حياتي من جديد انته لعنة وتخلصت منها بيوم النفذت قذارتك بية وطلعت اشرت على كلبي طلعتك من كلبي وحياتي للاسف على الوقت الضيعتة وياك وامنت بيك واجهت الكل وكسرت الحاجز البينة بالمقابل انته جبان كسرتني..

بس صافن بوجهي وعيونة تتوزع على دموعي همس وشفايفة ترجف...

امان " ملاكي لاتهدمين البينة..

__اعصابي رجفت دموعي كمت مااسيطر عليهن مد ايدة دفعتة ديربالك تتقرب من قبل سمحتلك تحرك روحي مسحت دموعي بيدي الترجف هزيت راسي

بس منا وهيج شوف منو يحرك روح منو يا امان بس ساكت وعيونة حمر تتوزع بوجهي كال..

امان " بحيرة ملاك..

ملاك " صكيت سنوني اسكت واسمعني رافعة اصبعي

اني جنت موجودة قبلك هزيت راسي وراح ابقى موجودة من بعدك...

مديت ايدي عالقنفة جريت جنطتي ومشيت وصلت يمة قريبة رفعت رأسي عيني بعينة وحجيت كلماتي الاخيرة..