دمار

البارت 42

اشرد من عذابك وارجع لطاريك
وافكر بالبعد واشتاگ للملگه
واحتاجك هوى واختنگ ماالگاك
واشهك واختنگ والگاك بالشهگه
يل كلك احساس ارد افتهم معناك
گلبي بنار بعدك تگدر اتحرگه
ثق عندي گلب بس ينبض بطاريك
ويشتاق لحنانك ويه كل دگه ملكه

______________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،

ملاك " بوجهنة رجعنة البغداد لان امير خابرو عندة انذار منكدر نبقى الباجر واني اصلا كيفت عالرجعة طول الطويق سوالف وضحك بينهم امير ضرب امان على كتفة يضحك كلة..

امير " يابة مو لازم تدعيلي تطورات وكذا بفضلي..

اسيل " يا لئيم واني لعد بياعة خضرة..

اندار عليها يضحك..

... يابة انتي العقل المدبر شلون بياعة خضرة..

باوعلهم امان ورجع يباوع عالطريق..

امان " ليش شسويتو مفتهمت..

امير " شني نسيت شكلت الجدي هذا كلة دين بركبتك..

امان " اي بعلاكة حتى متهنيت من وراك عندك انذار رجعتنة هسه انه منين اجيب جدي يبقى وياي..

__ بقو يضحكون اني انداريت عالجامة سويت روحي مو وياهم صار الليل اني بالطلعة وطريق اخلصها بس نايمة من الدوخة..

وصلنة بغداد طبكنة يم بيتنة جانت الاضوية نصهن طافية يمكن نايمين لا ساعة فوك الوحدة نزلت اسيل مدت راسها كالت..

اسيل " يلا بيباي حبي ديربالج على نفسج..

ملاك " ان شاءالله سلميلي على خالتي ودق راحت طبت للبيت واجت الحجية صعدت ويانة رجعنة اول مفتت بوجهي للغرفة دخلت وراي الحجية بالكوة مفتحة عيونها كالت..

الحجية " الحمدالله من وصلنة بخير وسلامة اروح اغسل وانام...

__ هزيت راسي ماشي راحت وكفت انزع بالحجاب اندفعت الباب دخل امان بيدة الجنط حطهن بالكاع سد الباب وتقدم وكف كبالي باوعلي مبتسم كال..

امان " اليوم تنامين يمي..

ملاك " ضحكت هزيت راسي لا عكد حاجبة.

... ليش اخابر جدي اشكيلة..

__ دنكت راسي مبتسمة تقدم جرني محاوطني من خصري رفعت راسي كلبي يدك سريع باوع بعيوني همس ذبلان..

امان " احبج واوعدج اعوضج الفات..

ملاك " سكتت بس وجهي دخن من الخجل حط كصتة على كصتي دنك يريد يبوسني انفتحت الباب دخلت الحجية بسرعة فزيت دفعتة اعدل بهدومي وشعري مااعرف شسوي ميتة من الفشلة والموقف الاني بي..

الحجية " ها يالمسربت شسوي هنا..

امان " حجية وكتج تونة اريد ناكل حلاوة..