دمار

البارت 57

امان..

انفضهن نفض ونهض ولا چني

ملاك ترد..

شنفضهن نفض شو كلهن التمن
لا عطوه النطني ولا رضن يهدن
سبع سهام كلهن فد وكت هدن

سهم وداع
سهم اوجاع
وسهم ذاك العزيز الصار جوه الگاع
وسهم موطن وشعبه انباع
وسهم دنيه من اغمها شخربطت الأوضاع
وسهم عمري وشبابي الضاع
وسابعهن العوز الأكل بيه اضلاع...

____________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،،،

ملاك " بهتت بوجهة رجعت خطوة ليورة مسحت دموعي صح نزلت نفسي الواحد مثلك؟ شددت عالكلمة رافعة ايدي

انته متستاهل ربع حبي الك متستاهل بيوم سامحتك ونسيت لأن انته اناني بأول غلط انطيتني ظهرك ومشيت واني بأمس الحاجة الك..

امان " وين تردين توصلين بهذا حجيج؟؟

ملاك " بصياح مااوصل بشييي مااوصل نزعت الحلقة شمرتها بوجهة وكعت بالكاع رفع حاجبة خزرني ابتسمت بقهر بين دموعي حجيت بغصة مشكور سهمك وصل ياريت اني مااشوف وجهك مو انتةةة مووو انتةة..

انداريت شلت الجنطة عثرت ردت اوكع باوعتلة صافن متحرك درت وجهي وطلعت لكيت امير واكف بالباب شافني عكد حاجبة مشة بتجاهي تعديتة فتحت باب السيارة وصعدت لأن فعلا رجلي متعيني بعد اوكف راح حجة ويا ولا باوعت ولا شفت وجهة بعد اجة امير صعد شغل السيارة وطلع مشة شوية وكال..

امير " بوية انه موكتلج لاتجين هنا عوفي هو يجيج..

مجاوبتة بس دموعي تشرح حالي درت وجهي ماريد احد ينقهر عليه تعبت كال...

امير " كلشي ينحل وداعتج اذا مااجاج هو برجلة كولي كال اخوي هو هسه يريد يبجي من طلعتي..

ملاك " يبجي؟؟ اصلا هو ماعندة كلب اناني اخوك نسى كلشي بينة وكف على غلط واحد مني..

امير " عوفي هسه ترا هو هم تعب يجي يوم يسامحج..

ملاك " لعد اني شو سامحتة بعد مدمرني؟!

امير " الله يهدي النفوس..

ملاك " مسحت دموعي والشهكة بعدها بصدري وصلني للبيت فتت جوة شمرت جنطي امشي وانزع اختنكت دخلت للغرفة لكيت خالتي نايمة اخذت ملابس من الكنتور ورحت للحمام اسبح واحجي وي روحي..

ياامان مادام هيج سويت الا اندمك اخليك تحلم تشوف وجهي بعد كملت وطلعت صارت اسيل بوجهي فزيت يبو شوكت اجيتي تحمحمي دكي الباب صيحي..

اسيل " خلصتي؟ مو تدرين يومية اجي عليش هالعيارة..

ملاك " تعديتها مشيت للصالة شغلت السبلت وكعدت
كعدت كبالي كالت..