دمار

البارت العشرون

وشتالي النوم المتأخر
والتفكير بذيج وهاي
حتى الحسبة الماتعنيلي
تلوحلي وأخذها وياي

_____________
بقلمي&تبارك الشمري..
،،،،،،،،،،،،،،،،،،،،،،،،،،،،،،،،،،،،

ملاك " الدموع سيطرت عليه واني اسمع كلامة اتكطع ويا كل كلمة يكولها مشاعر متضاربة كره على حقد على ندم كل لحظة امنت بي تقرب باسني من راسي غمضت عيوني قوي نفسي علة حسيت بي كام وكف..

امان " همس مودعة يرويحتي...

__ حسيت بخطواتة شوية شوية تبتعد وعطرة يختفي فتحت عيوني وداخلي يتدمر كمت بية مابية لزمت الحايط وكفت لازمة بطني مشيت اتلمس بالغراض ساندة روحي وصلت للشباك..

فتحت البردة مااعرف ليش ردت اشوفة لو ارضي داخلي لان احساس يكلي خلص بعد متشوفي انتهة بالنسبة الج راح خلص شفتة مشة بخطوات مو معتدلة تدل انو هو سكران ...

صعد بالسيارة مشغل الضوة الداخلي شال فونة يحجي بي مطول اقل الدقيقة وسدة ورجع خابر وهم سدة رفع عينة عالشباك بسرعة سديت البردة ارجف ماريدة يشوفني انتجيت عالحايط خايفة...

سمعت صوت السيارة راحت رجعت كعدت عالجرباية وشريط ذاكرتي انعاد عليه من سحلني بنص المزرعة لوضربني من جواني بالدرنفيس شنسى منة وحدة اثنين هنة...

من اغتصبني باابشع صورة لو شهكاتي وتوسل بي ميسمع عافني مثل الجلب وطلع سابحة بدمي ويكلي انسي ويعيشي حياتج سحبت نفس قوي...

حتى دموعي خلصن ملن مني عمليتي كامت تصل عليه مددت بتعب غمضت عيوني بس مانمت طلع الصبح وصوت العصافير والاذان واني اتلوى مثل السمجة المزوهرة صارت بالسبعة سمعت صوتهم برة علاوي يبجي وياسر يحجي ويا..

ياسر " هابابا بعدهي حتى الناس نايمة شتريد...

مها " عوفة يمكن مريض صوتة رايح...

__ الطفل يبجي سطرني سطر سديت اذاني سمعت صوت اسيل تحجي...

اسيل " نزلت من فوك افرك بعيوني عطت بيهم اكلو المخي اكل شكو من صباحيات الله يعني متكولون واحد مطمور..

ياسر " شبيج بس تبجين بوجه الله الولد مريض شتردين يعني..؟

اسيل " تعال حبيبي شيوجعك وتبجي رحت كمبصت على ركبي كبالة لزمت ايدة دفعني بس صوتة كلش مخنوك رفعت راسي...

على ياسر كتلة هسه انته صارلة ساعة يبجي وتكول مريض انطيته علاج اخذتة للمستشفى مكابلة وكاعد شكو راح يطيب بها بابا وحبيبي باوعتلي مها وكالت...

مها " اي انطيتة علاج الفجر بس هو من يتنك لازم اوكسجين وبخار...

ياسر " متحجين لعد صار ساعة..
مها " هو انته خليتني احجي اكلتني وشربتني تريد تنام..

ياسر " دروحي لبسي وانطيني شي الي هم...

اسيل " والله يالله كمت وكفت اتثاوب اروح انام احسلي عائلة مضروبة فيوزاتها كامت مها صعدت فوك ردت اصعد واذكرت ملاك كلت خلي اشوفها فدورة قبل ماانطمر مشيت الغرفتها فتحت الباب ودخلت لكيتها كاعدة عيونها مورمة تبجي كتلها خير هالعوي المن...