دمار

البارت 44

اريد احروف جدد لكن منين
ومدحك يل ولاخليت همزه
شگد بعدك الدنيا تخلف سباع
بس يمك ولايصرون ركزه
وجه الماي يرجف مو فعل ريح
بي من خطفت العباس فزه...

_____________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،،،

امان " مشتاقتلي.؟

ملاك " اي الله يلعني اي..

امان " ليش تشتاقيلي..

ملاك " وخرت منة منهارة كعدت بالكاع مااعرف شسوي بس دموعي يوكعن وامسحهن ضميت وجهي باايدي بس صوت شهكاتي تعبت من ضعفي وقلة حيلتي..

كعد كبالي جر راسي ضمة بصدرة زدت بالبجي يمسد على ظهري وشعري نفسة عالي صدرة يرتفع ودكات كلبة مو منتظمة همس..

امان " اشش اسكتي حبيبي كافي باوعيلي...

__ سحب راسي غمضت عيوني جريت حسرة مابية حيل بعد مد ايدة يمسح بدموعي لزم حنجي تقرب طبع بوسة رقيقة بشفايفي وابتعد..

همس بحسرة وتعب تحس جبال نايمة على صدرة..

امان " تعبان ملاك انه تايه كلش ابتعدي عني ماريد اذيج وتكرهيني..

رفعت راسي اباوعلة بقهر..

ملاك " ابتعد.؟

امان " اي عوفيني...

ملاك " لعد ليش تقربني الك وفجأة تبعدني اني مو لعبة عندك امان مو لعبة افتهمت

هز راسة وجر نفس وكال...

امان " مو لعبة ولا اريد ابعدج ماريدج ثقي بالله احبج وانتي الهوى الاتنفسة بس..

ملاك " كمت وكفت كتفت ايدي خلاص ماريد لابس ولا شي ثاني تريد تبعدني ابعدني...

كام وكف يباوعلي عيونة وجهة حمر تعبان...

رفعت اصبعي حياتي متوكف يمك افتهمت من باجر ارجع اداوم وديربالك تدخل بشي يخصني..

امان " بحدية ملااك بلا ملحة دووام مااااكو..

ملاك " معليك معليك اروح وغصبا عليك راح يصير اسبوعين مرايحة..

امان " وانه كلت متروحين..

ملاك " السبب السبب شنوو..

امان " انه اعرف شي وخلص هاي الفترة عوفي الدوام ماشي حبيبي..

ملاك " لتكلي حبيبي ماااريد اسمع اي كلمة منك انته انسان صدك مريض باوعلي وهز راسة...

امان " براحتج..

__ براحتج موو براحتج هزيت راسي مجاوبني بس يباوع بوجهي عفتة وطلعت منداريت ولا شفتة..

سمعتة فتح الباب وطلع بقيت طول الليل اتكلب تعبت ودموعي على خدي ثاني يوم كعدت عيون منفوخة من البجي وجهي مورم بالكوة كمت من الفراش..