دمار

البارت 30

احس روحي رماد وجاني ضيف الريح
وكرمته ابلا حدود اتطشرت كلي
چا لمن تجيني انته وتدگ الباب..

شنطي الشوفتك لمن تمر گلي
ما ارضه اعله روحي لو صدگ مريت
إذا مو ألف ركعة اگبالك أتصلي

_______________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،،،

ملاك " شعور بداخلي خايف مااعرف لزمت كلبي واني اسمع كلامها هي بس تبجي وحجيها مو مفهوم بيدها الفون ياسر عاط بيها..

ياسر " شبييي هسه غير تحجي وين تليفونج جيبي بالله..

رفعت راسها وتبجي بلعت ريكها صوتها رايح كالت..

مها " ماادري خابرتني امي تبجي تكول امان متعارك وضاربي سجين..

هند " يمة اسم الله الرحمن وتالي هسه شلونة..

مها " مااعرف خالة مااعرف اخوية بين الحياة والموت وامي الوحدها..

__ كام ياسر بيدة الفون حطة على اذنة وكلسع يندار عليها قلق واني بس جمدت بمكاني مااكول ماخفت عليه ولا تشمتت بي شعوري بساعتها اريد اعرف هو شلونه وبس رغم عذبني وهاني وغدرني بس مردت يموت هيج باوعت الياسر حجة...

ياسر " الو ها امير شنو السالفة وين انته..

سكت يسمع بس يهز راسة اندار ملامحة تغيرت باوع المها ورجع باوعلي درت وجهي..

كامت ركضت بخطوات لزمتة من ايدة تمسح بدموعها

مها " هاا شبي عليك الله كول زين..

ياسر " بس اوكفي ماشي جايك لاحبيبي صدك جذب شلون اي اي هسه اخلي مها يم الحجية..

مها " احجي مو خبلتني لتكول مات والله اموت اني السبب..
انهارت بالكاع تلطم سدة ودنك لزمها يهدي بيها وكال..

__ شبيج بابا اصحي مابي شي بس مضروب..

زادت بالبجي تشهك حتى اني كعدت عالدرج ابجي على بجيها خالتي واسيل كعدو يمها يواسوها واني بس عيوني تفتر..

مها " هسه هو وين ومنو ضاربة ليش شسوالهم..

ياسر " ماادري هسه كومي لبسي اوديج يم امج متخربطة ضغطها والوحدها امير يكول عايف الجيران يمها وطالع بالمستشفى..

ملاك " كامت تسحل بروحها كامت اسيل وكفتها وصعدت تجيب الها عباية باوعتلي ودنكت بعدين كالت بس بصعوبة كأنو تتوسل..

مها " ملاك الله عليج لتدعين علي اخوية ديتعاقب من ورانا ورة دعواتج..

__ هزيت راسي وكأنو انطتني حجة حتى ازيد بالبجي  غطيت وجهي باايدي سمعت نزلت اسيل من فوك كالت..

اسيل " يلا لبسي اجي وياج..
هند " اني هم اجي خطية الحجية تبقى الوحدها.

__ مسحت دموعي عيوني مغوشة شفتهم ديلبسون مها كالت..