دمار

البارت الثامن عشر🖤

حرت وجهك اليتراوالي مرات واقع!

لو لأن مشتاگ ارسمه
آخر نظرة صوغة تضل بالعيون

عد اليگضي شوفة وعينه تعمه ....

دللتك گبل چانت سنيني هواي
چنت أعذر واگول من الخطا تعلَم

____________

بقلمي&تبارك الشمري
،،،،،،،،،،،،،،،،،،،،،،،،،،،،،،،،

ملاك " عافني وصل للباب ديطلع غمضت عيوني بتعب وقهر سمعت صوتة حجة كم كلمة ...

امان " خلي ابالج راح اعوفج هسه بس وحق علي ماتصيرين الغيري انه ..

ملاك " فتحت عيوني بغضب صاكة سنوني كتلة واني هيج غبية ارجع واحب روح بابا تفحص ملامح وجهي اقل الدقيقة حجة بصوت يرجف...

امان " ولا راح تحبين غيري كلبج الي وكلج الي بس انه غلطت وانه مو نبي معصوم الانتقام عمة عيوني ويجي يوم تنسين..

ملاك " يحجي بغضب درت وجهي عالصفحة الثانية كتل عوفني بحالي البية موسهل ويطب ولا بيوم اسامحك حتى لو ابقى طول العمر على ذمتك ماانسى سمعتة ضرب عالحايط بخفة وحجة مهدد..

__ تنسين تنسين وطلع مااعرف شنو من بشر وين يريد يوصل وياي يعني كل هذا الي يصير وهو مصدك ارجع واحبة والله يالله حلم صعب تحقيقة بقيت الوب هم من الوجع وهم من القهر لحد منمت...

اسيل " كعد بصفي وخرت على صفحة هو الكرسي مال تلاثة يعني بينة كرسي فارغ تنحنح وكال درت وجهي عليه...

امير " بالله هسه انتي متستحين طالعة بتراك شني زعطوطة..

اسيل " صفنت بوجها سكت ينتظرني اجاوب كتلة خلصت قلص معانيه..

امير " اي ليش..؟

اسيل " لان مامسموحلك تدخل بحياتي تغيرت ملامحة بغضب..

امير " صوجي انه كلت انصحج بس اظاهر انتي..

__ هزيت راسي سكتة انصح روحك بالاول اني اعرف بروحي شنو اسوي وشوكت خزرني وكام مشة طلع برة شسويلة  اوي طلعت فوني..

محد داك لا اب ولا اخ المقروضين بقيت كاعدة على اعصابي هذا الاخ لطش جوة هستوني اريد اكوم افوت للغرفة طلع شافني بوجها دفعني من ايدي وخرني  وفات عصبي...

يمشي سريع طلع برة مال ثول الثولكم شكو رجال دفعت الباب وفتت شفت ملاك دايرة وجهة من الجهة الثانية عفتها اكو قنفة مددت عليها غفيت ورة ساعة تقريبا حسيت انفتح الباب اجت ممرضة شافتها حطت ابرة بالمغذي كالت

كلشي تمام بعد لليل يلا تجي الدكتورة تشوفها...

اسيل " طلعت وبقيت كاعدة ملل ماكو شي اسوي ملاك كعدت لازمة بطنها تكح حيل رحت عليها انطيها مي تشرب يمعودة  العملية على كيفج لتكحين..