دمار

البارت 58 والأخير

أمان.

الله يدري ،،
بكلشي عشته وياك ما صار أعله نزوه ..
والشاهد الله ما بخلت وياك بحچايات حلوة ..
چنت أسمّيلك مساماتك وأعدهن
شهگه شهگه ،،

وچانت الصفنة أعله وجهك هي صحوة وهي غفوة ..
چنت بس أنته الوحيد اليمّه أحس ما عندي قوّة ..
چنت گاضيها أعتذرلك ،،
حتى لو چان السبب ما يسوه چان وياك يسوه ..

_____________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،،،

ملاك " دكات كلبي تقرة الف بين الاريد افتحة واشوفة وبين الا جمدت بمكاني حرارة صعدت الراسي..

احساسي متضارب شعندة جاي جريت نفس قوي غمضت عيوني ورجعت جريت الفون دكيت على اسيل هم متفتح خط دك الباب قوي وكال..

امان " يابة افتحييي.

تقدمت لزمت اليدة مال الباب تخربطت اوضاعي جريت نفس وفتحتة اول مشافني بدون ميحجي..

دخل وسد الباب باوع عالبيت عيونة تتنقل بغضب وعيوني تتنقل بلهفة عليه وكف بطولة وهيبتة وعطرة ترس ريتي حسيت روحي دخنت مشتاقة الشوفتة الاناني كال..

امان " وين جنتي؟

ملاك " اسبح ليش؟

امان " كل هالوقت تسبحين؟؟

تجاهلت سؤالة وكلت وين اسيل وليش جاي باوعلي رفع حاجبة تقدم شغل الدكمة مال ضوة واندار عليه حك لحيتة وكال..

امان " اتخربطت واخذها للمستشفى امير وماكو احد..

ملاك " شهكت بخوف وينها ليش شبيها؟ ركضت عالفون خابرت على امير واكف وراي احس نظراتة تراقبني انداريت عليه منتجي عالحيط جر نفس ودار وجهة مدنك يباوع الودق نايمة بحضنة فتح خط امير صوت هوسة سألتة شبيها وليش بالمستشفى كال..

امير " ماكلة بالجامعة لفة ومن العصر الهسه متخربطة صاير عدها تسمم..

ملاك " من العصر لعد ليش اني ماادري؟

امير " بوية وكت اشرحلج شكد دكيت عليج ماكو وامي وخالتج بالزيارة...

ملاك " ماادري جنت نايمة مشفتة عود طمني عليها مو تخلي بالي..

امير " ماشي فيمالا..

ملاك " الله وياك سديتة وانداريت تقربت يمة مديت ايدي اخذت ودق تلامست ايدي بيدة رجف كلبي سحبتها ضميتها الصدري يروحي دعسوقتي نايمة كال..

امان " ليش الوحدج؟

ملاك " باوعتلة متجاهلة كلامة مجاوبتة..

رجعت بست ودق ومشيت للغرفة دخلت شغلت الضوة ونيمتها عالجرباية وخليت مخدات داير مدايرها اخاف توكع عفتها وطلعت لكيتة بعدة واكف..