دمار

البارت السابع

‏آنه
أول بنادم
گلبه مايبرد

أنه المبيوع سد بسد

آنه الخلص حياته يگول ،، " چا وحد "

هي دنيا وخذت مني شما تريد
وانة منهاشگد ردت بس ماخذت

____________________

بقلمي&تبارك الشمري..

،،،،،،،،،،،،،،،،،،،،،،،،،،،،،،،،،،،،،

ملاك " بقيت واكفة اراقب كل حركاتهم شال اسلحة وعلاليك سود كبار اكو سيارة سودة واكفة بقت ترمش بالايت بسرعة طفت كل الاضوية مال البيت بس اكو ضوة خفيف حيل من الشارع موجود شفت جربوع يشيل ويحط بالسيارة

وامان هم ويا وهذا رامي واكف مثل اليشرف عليهم كملو كل العلاليك والسيارة شغل لايت انوب طفة وطلع مااعرف وراها اجو يتمشون بس لون الجمر مال دخانة مبين دنكت ماريد يشوفوني رامي عافهم وطلع وكفو امان وجربوع جوة البالكون الصوت كلش ناصي يادوب سمعت مثل الهمس...

امان " هاي اول خطوة حتى انه ادمرهم واخذ حقي...

جربوع " اسكت يخوي الحياطين الها اذان يلا روح البيتكم خلاص باجر لتجي ارتاح...

امان " وعلي ماشوف طعم الراحة الا وانه دايسهم..

ملاك " لزمت كلبي من السمعتة معقولة ينتقم بس ليش وشلون داكوم اوكف لزمت الستارة ماشوف الا وكعت المزهرية من البالكون صغيرة بسرعة عطت لاااا بس بصوت مخنوك لزمت حلكي خايفة سمعتة يدردم  يمة كلبي يريد يطلع من مكانة الهث...

امان " هذا يا خ** ابن خ** يشمر...

جربوع " اسكت ولك اسكت روح استر علينا يلا يجوز جلب بزون...

امان " اي ضلت بس الجلاب علي...

ملاك " مديت راسي شوية شفتة لازم راسة اظاهر انفشخ طبيت عالسريع وسديت الباب ماعندي قوة اواجه بعد حتى مامشطت شعري ايدي ترجف تلفلفت بالحاف ونمت بس وين اكدر

صارت ب٧ كمت شفت خالتي ماكو رحت غسلت وبدلت ملابسي مال الدوام صدرية سودة جوة الركبة وقميص ابيض وبوتين اخذت جاكيتي والجنطة ونزلت جوة شفت خالتي بالمطبخ حاطة قوري الجاي عالصوبة نفطية وكاعدة تدفة صبحت عليها..

هند " صباح النور يمة شلون صرتي ليش مبدلة ارتاحي اليوم...

ملاك " الحمدالله احسن جريت كرسي وكعدت طلعت كتاب كتلها عدنا امتحان ماريد شي يفوتني من اولها غياب مصار عشر ايام من اجينة..

هند " جوعانة خلي اسويلج كلاص حليب دافي شوية ترتاحين بس قبل كلشي شربي هذا القرنفل زين الج...

ملاك " عكنشت وجهي بس ماحبة دائما يسولي منة عالريك اشربة مي القرنفل كتلها بس ريوك لان صدك جوعانة مامتعشاية كامت سوت بيض وجاي وجبن حطت عالميز ميري ماكو سألتها كالت اليوم اجازتها والبنات شو مكعدن الهسه وبابا نايم..