دمار

البارت الرابع🤎

طاحت اوفوك الفشل
بمصابها الشامت تشمت
اخ ياروحي الكّبــل جانت عزيزة شلــون ذلت ؟

_________________

بقلمي&تبارك الشمري..

،،،،،،،،،،،،،،،،،،،،،،،،،،،،،،،،،،،

امان " انه ماريد يجي هذا اليوم ولاشوفة....

جربوع " وحشنا ابو كلب الطيب الحنين..

امان " انه كلبي خ** ارد ادوس علي واسحكة سحبت نفس جريت جكارة ورثتها  كمت على حيلي اراقب صار هدوء جريت موبايلي خابرت رامي الخيخة نفخت الدخان اجاني صوتة كلت الو..

رامي " ها امان شكو..

امان " شكو؟ وعلي كلت ضايج اخابر رامي اشوف شلونك شخبارك..

رامي " ها اني زين وانته..

امان " لك شني زين اكلك انه والولد عاصين بالحفرة...

رامي " ياا انته هناك..

امان " بنفاذ صبر لاهنا خاب انته شجاك غير اكلك راحو الشرطة لا..

رامي" اي طلعو شعدكم هناك كافي راحو بس لتخلي احد يشوفكم..

امان " اي دحجي هيج من الاول سديتة بوجهة قبل ليحجي فتحت الباب حديد مزنجر شمرتة ليفوك  صعدت عالدرج طلعت راسي لزمت الحشيش منا ومنا ورفعت روحي باوعت ماكو احد

نكتت هدومي طلعو بقية الولد انه مشيت طلعت من البستان شفت هذول الاثنين واكفين يباوعون علي درت وجهي اشرت الجربوع اجاني شاورتة  اكلك اذا ميطلعون هذول مبلغين علينا  موبس اكص ايدي لاحتى**** والمرة للجلاب..

جربوع " لايخوي خوش ولد ميدرون بينة..

امان " ولان خوش ولد مبلغين علينة انه بعد كلت وها انه رايح العلاوي لادك علي عوفني بحالي فهمت لولا..

جربوع " خاب متولي انه ذاب روحي اعليك اليوم الكعدة للصبح بنص الحتيت عود لاتجي..

امان " ملطلط طول عمرك يلا رايح فيمالا..

جربوع " هلا..

امان " تمشيت للسيارة صعدت وسديت الباب عدلت المراية شفت الولد يباوع علي مدري شني سالفتهم حركت للمستشفى جانت دنيا عصر الجو تراب بس بي برودة قبل لااوصل شفت محل مال العاب

نزلت اخذتلة لعبة سيارة حمرة عالريمونت رجعت للسيارة حطيتها عالكشن الورة ورحت الهم دخلت للمستشفى شفتهم بالطوارئ امي كاعدة لازمة راس علاوي تقرة قرآن حاطين الاوكسجين بخشمة وامة نايمة هي وكاعدة عالجرباية تقدمت يمها امي رفعت راسها شافتني صدقت وسدت القرآن..

الام " ها يمة اجيت..

امان " شلونكم شلون صار علاوي نزلت دمعة من عينها مسحتها بشيلتها..