دمار

البارت 48

هي حيره .. هي حيره
نوفي حيره .. نصير بذاتين حيره
مثل شبجة صيد والتفت...

على جنحان طيره
حيرة الغركان والروجه
جبل تمشي اعله راسه
وايده تعمد هلبت مسيسه
تجيله وصلة جزيره
نوفي حيره نصير بذاتين حيره

انوبه غشمه نصير - وحجايه
بحلك بايع ضميره
نصير بذاتين ما يرهم علينه
الثوب وردانه كصيره
والله حيره والله حيره

____________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،،

ملاك " انصدمت صدمة عمري متوقعت ودق توصل بيها الهاي المرحلة تعقد بدون مندري المفروض تكرهة تكون عدها كرامة لأن عافها بنص العقد بس ماكو منين ماافكر ماابرر موقفها فززني صوت اسيل وهي تكول..

اسيل " ديلااا خلي اشوف ياسر متخبل لان هي خابرت راح تجي ويا بعد شوية..

ملاك " ماشي جايتكم سديتة منها ورحت للحجية اركض دخلت للاستقبال رفعت راسها كالت.

الحجية " ها يمة خير شبيج مخروعة صاير شي..

لزمت الباب ريكي ناشف ودق ازوجت ذبت الابرة والخيط متفاجئة..

الحجية " يامكصوعة المن زوجت..

ملاك " انهزمت وياا ايمن..

لابشرفج شجاها هالبت تسودنت..

_ مااعرف مااعرف هسه اريد اروح اطيح حظها الماتسمع كلام..

الحجية " شطحين حظها يمة اذا هي كوية ماتخاف لامنج ولا من اخوج روحي بدلي وخابري رجلج كليلة..

ملاك " هزيت راسي وصعدت اركض فوك اطرافي كلها ترجف من وراها احس ريكي ناشف مااعرف ليش فتحت الكنتور طلعت جبة وشال ودكيت على امان بالشغل فتح خط كال..

امان " ياهلا بمريتي العافية..

ملاك " تجاهلت كلامة وسوالف الصار بدون مقدمات بسرعة غلط وسب فتحت حاكية حطيتة عالميز ولبست..

امان " لا يامن*** وين انتي..

ملاك " بالبيت كاعد البس حتى اروح اشوف المصيبة..

امان " انتظريني مسافة الطريق جايكم..

ملاك " قبل لا اكمل سدة سلت الفون ونزلت جوة كعدت بالاستقبال اهز برجلي وافرك بهدومي منتظرة اجت الحجية لابسة عبايتها كعدت يمي شافت وجهي لزمت ايدي طبطبت على رجلي كالت..

الحجية " يمة على كيفج ويا روحج قابل بيدج لو بيدنا هي اختج مدري شلونها يعني الكل حاجها ونصحها هسه المن مستعجلة تلحك على شلعان الكلب..

ملاك " يطبها طوب بكد النعال وماتهتم لا صغير ولا جبير بعد ولا اضوج عليها منا وهيج ابد مادام تجاهلت الكل ومشت وراه..