دمار

البارت 52

حبك اثمر ‎م̷ـــِْن زرعته بروحي روح
وبيه ترهيت على دكات النبض
روحي ‎م̷ـــِْن اتضج ابخرها بهواك
تسكن والكه الصراع البيه فض...
____________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،،

ملاك " ورة مراحو دخلنا جوة خالتي مددة عالقنفة والحجية كعدت بالكاع بس تبجي عليها بقينة نحجي عليها ميصلح اتفائلي بالخير الهم هزت راسها دك على رجليها..

الحجية " ولج يمة شلون اكدر افاركها شلون ولججج هي بس هالوحدة عندي..

اسيل " تخوصرت الها ياوسفة عليج لعد مو تكولين انتن بناتي وغاليات عليه..

الحجية " هاولج تستهزئين بية؟

اسيل " لا استهزء ولا تفريها عليه روحي بعد زعلت عليج..

امير " من حقج زعلين..

اسيل " غمزتلة مو بالله؟

امير " طبعا حبيبتي..

ملاك " امان هم متأثر لان.. كلش يحب اختة رغم السوتة مافديوم حجة عليها بشي موزين بالعكس مداريها ويحترمها حتى من جان زعلان عليها..

وكلش احب هاي الصفة بي كعد كبال الحجية تربع بالكاع لزم رجليها وصاح..

امان " يبووو يابوفاضل يبوو ولكم الحكوليي يبوو..

امير " شمالك تسودنت يبو مايبوو..

امان " ولككك راحت شمعة بيتي يبوو..

جان منظرة كلش يضحك من يسوي هيج على مود امة لتضوج بس هي زادت بالبجي عصرت وجهة بشليتها تبجي امير دنك ضربة على راسة يغمة كال.

امير " كومي يمة عوفي هذا بي د***..

الحجية " شلون راااحت ولك شلوون تجيب بالغربة سودة بوجهي اي والله..

امان " كاافي الخاطر الله كومي وين رايحة للحرب؟ ترا رايحة تتونس بنص الخير والجنة ماتسكتين..

ملاك " بالكوة سكتت كامت شادة راسها بالغرفة نامت سديت الباب عليها..

خالتي نامت رحت يم اسيل بالاستقبال جانت هي وامير وامان كاعدين يحجون همس لأن خالتي يمهم هي ودق كعدت عالقنفة باوعتلهم خيرر شتحجون؟ من وراي..

بسرعة سكتو ادنة امان حط ايدة ورة ظهري قرب راسة همس بااذني كال..

امان " ديقراها يدكلها ناعم بلكت ترضة..

باوعتلة على شنو ترضة وانته ليش سكتت من فتت..

امان " جنت اكلة لاتعب روحك اسأل مجرب ولاتسأل حكيم انتن نفس الطينة..

ملاك " رفعت حاجبي خزرتة وشبينة عيني نفس الطينة اشو كاملات من جمال واخلاق وادب حط ايدة على حلكي يسكتني لزمني من كتفي كال..