دمار

البارت 25

مشتاكلك والليل وحشه
ودمعتي التنزل ثكيله

وصوتها من تطيح عالي
وحتى محد يدري بيها

اركض اتلكاها بيدي
لمن تمر على بالي

________________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،

امان " ****** طلاك مااطلج طركاعة كلبي...

ملاك " ضربت رجلي بالكاع عطت صاكة سنوني اتلفت موبكيفك موبكيفك انته طركاعة وكعت على راسي وبعدين هذا اتفاق بينة تطلكني واني وياك وقعنة عليه...

امان " هي بر**** منو ضحك عليج وصدكتي ترة هاي ورقة عقد زواج صدقتة انه بالمحكمة افهمي مرتي شرعا وقانونا روحج وكلبج الييي...

__ بفهاوة هااا حسيت روحي زوج وضحكو عليه لان من قبلت نعقد كلت يطلك كم شهر وبس عبالي الورقة الوقعتها اتفاق فززني من كال..

امان " صيري ادمية لبين مااطلع لا ومحمد اشرد واجيج...

ملاك " بسرعة سديتة بوجها لزمت الفون عاصرتة اعصابي نار يحلم والله يالله كل عقلة من يطلع يلكاني انتظرة مثل ماغدرني اغدرة بسيطة...

سمعت اسيل تحجي التافيت لكيت الحجية وامير واكفين بالباب تسلم عليهم...

اسيل " هلا ومية هلا بيج شنو هاي اكول الكمر طالع من وكت اثاري الحلو اجاني...

الحجية "ههههه انزول عليج اسولة شلونج حبيبة..

__ بخير من شفتج اضحكين تفضلي جوة..

ملاك " اثنينهم يباوعولي بنظرات اتهام مشيت تقدمت عليهم مديت ايدي سلمت هلو خالة شلونج جاوبتني بس وجه ثكيل جرت نفس بغضب وكال..

الحجية " هلا يمة انه عندي حجي وياج..

__ سكتت دخلنة جوة سلمت على خالتي ومها ركض علاوي بحضنها تبوس بي واني كعدت كبالها مدنكة..

اسيل " شتشربون جاي عصير كهوة...

باوعتلها وضحكت..

الحجية " بس كلاص مي من ايدج الحلوة كافي عندي كلام اكولة واروح مامطولة..

اسيل " تخوصرت ابد والله شنو زيارة الميت..

ملاك " ركضت اسيل للمطبخ واشرتلي اكعد يمها كمت كعدت بصفها باوعتلها وكلت ها خالة شنو الحجي ان شاءالله خير..

الحجية " والله يمة انه زعلانة عليج عبن ماصاينة غياب رجلج..

__ قلصت عيوني اني..؟

الحجية " اي انتي ليش يمة انه اعرف امان غلط بحقج وغلطة جبير مو بيوم وليلة يتصلح بس مال هو ماكو..

ملاك " كلهم يباوعون النا امير ترخص وطلع اجت اسيل قدمت الضيافة واشرتلي شكوو كتلها باوعي خالة عوفي كل الي سواه وياي اذا اني موزينة مثل مدتوجهون الاتهام الي ان كان انتي او ابنج يخابرني يهدد ويصيح ويطعن بشرفي رفعت حاجبها مصدومة كالت...