دمار

البارت 40

غلطه حبك ... تسوه كل صح بآلوجود
و بيه من عندك وجع ... جن عآفيه
آلصدك مآ أرتآحلك ... بس روحي بيك
و مآ آحبك ... بس اآحب مـو كافــيه
وإنتَ مو فد شي ... كَلب بين الضـلوع
و مو ضوه عيوني ... و بدونك طآفيه
آدري شحجيلك و تزعل ... حتى آمـوت
نآر آحـس بحضـنتك ... بـس دآفـيه

____________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،

ملاك " المرة وجهة مو مال شقة بس مدري ليش ضحكت من تكلها يمكصوعة رفعت راسها عليه خزرتني ومدت ايدها عود بوسيها دنكت داابوسها كالت..

ريحان " انتي ياهو منهم امان النهبها..

__ رفعت راسي بصدمة باوعتلها محجيت الحجية كالت..

الحجية " ريحااان شني اليوم نظل بالباب واكفين هذا ملكاج بت الاصول..

وجهة انطعن رادت تحجي صاح رجال جبير طلع من احد الغرف نفسة جدهم لابس دشداشة بيضة كال..

الجد " ياهلا وجثير الهلا بيكم زارتنة البركة..

الحجية " وبيك اكثر يابة..

ملاك " راحت مها هم باست ايدة حضنها وبوس علاوي باوعلنا اني واسيل مشينة ورة مها دنكت بست ايدة ربت على راسي كال..

الجد " الله يرضة عليج بنيتي..

راحت اسيل هم باست ايدة وكال

اسيل " شلونك جدو مشتاقين..

ضحك وضربها على راسها..

الجد " شمالج مالبسة مستر وين زلمتج عنج شني عايف عرضة مطشر..

اسيل " ايي جدو وجعتني عادي قابل منو موجود والحجاب بعدين نتفاهم عليه..

ملاك " ضحك مبين فرحان بيهم مشينة بممر جبير وهم ورانة على جهة اليمنة صالة كلش جبيرة جانو الولد بيها دخل الجد يمهم وعاليسرة المطبخ...

والباقي غرف مسدوة وبي درج هم كلش جبير كرصت اسيل مدنكة همست ولج من شوكت صار جدو ومشتاقين شنو هالميانة باوعتلي تضحك..

اسيل " من هسه..

__ ضحكت استغفرالله دخلونة بصالة ثانية جوة بيها نسوان اربعة اثنين صغار من كصتنة واثنين لا كبار كلهن سمر بس معانيهن كلش حلوة وكل وحدة لابسة كومة ذهب ..

كامن تلكنة يبوسن عبالك يعرفنة من زمان كلش حبيت اجوائهم وروحهم كعدنة بس اني كلش خجلانة منهم اما اسيل ذبت ميانة وتضحك اجن البنات الي استقبلنة ويا المرة الجبيرة طلعت عمتهم مها كعدت بصفنة لازمة بطنها تلهث باوعتلها..

ريحان " شمالج تلهثين اول مرة تحبلين يبر*** عيارة..

مها " شبيج عمة صدك جذب ترة والله اكول الجدي جايبينا تهينون بينا..