دمار

البارت الثامن

لا شكيّت ولا گلت
ولا مبيِن للخلكَ مَلچوم چنِي
آنه ذاك الضمضم جرُوحه ويغنيّ..

ياعذاب جروحنه
يفت الگلب والصد كتلنه ،

ياحزن يعگوب      
ربع الربع مايلگاش منه ..

_______________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،،،

ملاك " دنيا ليل تقريبا ب ٢ طلعت برة بالحديقة اشم هوى محد شافني واكفة يم البستان الجو بارد وبس ضوة القمر كعدت ورة الشجرة

لميت رجلي العب بالزرع بارد صار فترة يومية اطلع هنا اراقب لو ابقة كاعدة ساعة وارجع صارت طكطة وصوت وراي اسمع بالحجي بس جمدت مابينت ردت فعل لان فضولي موتني

اريد اعرف شنو الموضوع الصوت ناصي حيل بس سمعتهم مديت راسي شفتة امان وجرىوع واكفين بسرعة لميت روحي...

جربوع " ها الوحش شوكت كلبة يبرد..

امان " كلش قريب بس جذب حتى اذا انتقمت ماراح ارتاح الا اكتل ياسر الخيخة عبالة يسافر وتنسي السالفة لا وحق الله لا جا انه ليش جبت اختة العوبة مناك لهنا خليتها توكع بحبي ههه الا ان***..

جربوع " كافي خوية سامعها للسالفة ميت مرة برد كلبك وانسة البركة بعلاوي صار ابنك يصيحلك بابا شكبرها هاي مو احلى من الانتقام...

ملاك " حطيت ايدي على حلكي مصدومة معقولة هو نفسة الي حبيتة بدون مااشوفة امان الينصح لا لا مستحيل وياسر وعلاوي شنو الربط مداصدك يطلع عندة ولد بس منين وشلون..؟

امان " بعد هذا التعب ست سنين وانه ادور واريد اعرف خبر تالي متالي تكلي انسة من وصلت الخط النهاية لا مامرجية منك انته اكثر واحد يعرف بالعشتة بقيت بصراع بين انتقامي...

ملاك " درت وجهي باوعتلهم شفتة واكف بيدة جكارة يحجي بحركة كلب ويشمر بيدة يدك على صدرة رجعت ختلت بس جكارتة خنكتني اريد اكح مااكدر بقيت لازمة حلكي واتنفس سريع لان حيل قريبن يمي بيناتنا بس الشجرة..

جربوع " كافي خوية تهون وداعتك يلا مادام كملنة شغل روح البيتك ارتاح ديربالك من الطريق وبوسلي عليوي مشتاقلة...

ملاك " راح جربوع يتمشى عبالي هو هم ويا بقيت اكح قوي لازمة صدري ماشوف الا هو فوك راسي شهكت خايفة منة كعد بمستواي بلعت ريكي ها هاا ش شكو...

امان " ها سمعتي مو..؟

ملاك " هاا لا شنو تقصد خلي اكوم منا برد الجو  اروح انام احسلي وكفت نكتت ملابسي مدنكة اخاف اباوعلة  جرني حصرني عالشجرة رفع راسي سد حلكي حاط رجلي برجلة نفسي قوة بلعت ريك حجيت بعيوني مخنوكة اريدة يوخر ضاغط عليه ...

امان " جا اسمعي انه ادري بيج هنا كاعدة من ريحتج التجيب التايه وانه قصدني حجيت ..

ملاك " دموعي بقت تسابق خفت خوف بس الله يدري بي ضلمة وكلامة باوعتلة نظرات متوسلة بيها دموع حط راسة بركبتي وهمس..