دمار

البارت التاسع 💔

گلبتهن ،،، وأشتهيت اقرالها
والبالي أحسه يدور ،،، أبالها
شفت شنهي الظال من الذكريات
هنه !!!
صورتها ..
وعطرها ..
وشالها ..

______________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،،

اسيل " صيحت بالسيارة دكيت ولا سمعني يمكن الولد الي يسوق انقهر على حالي وهو ولا يمة رجعنة للبيت نزل بكل شموخ ولا جنه هسه عاف بنتة يم واحد غريب  طب جوة لحكتة لزمتة من ايدة بقيت اعيط بكل قوة عندي البيت كلة التم علينا متفاجئين...

هند " ولج شكووو ليش تلعلعين وين اختج فهميني راح امووت...

اسيل " مجاوبتها انداريت عليه لللك انته شنوووو من كلب شايل هم حاسب نفسسسك اب وعندك غيررة لااا لك حرامات انته ابونا ميشرفني اكون بنتك بقة مصدوم من كلامي فوك الي سواه هو ابو الراهي بسرعة ضربني راجدي لزمت خدي اذاني وشت...

حامد " انجبي بت النع** فوك مامعيشكم عيشة الكل يحلم بيها وين لاكين هيج اب يصرف ويجيب ويحط وسفر...

اسيل " بس ارجف واصيح مداستوعب السواه ..
لاوالله ومسوي فضل براسي من امدة الفلوس والمنصب التخلي واحد يبيع بنتة في سبيل سمعتة من امدة سمعتك ومن امدة كل واحد مثلك

انهاريت مااعرف شنو حجيت وغلطت بس كل الي اذكره الحجي جان ثكيل بشكل بحيث خالتي متحملت وكعت من طولها من الصدمة اول مرة نوكف بوجه ابونا ونغلط عليه شفتها وكعت ودق تبجي وتعيط لازمتها ركضت يمهم بالكاع كعدت حطيت راسها بحضني اضرب بخدها...

ودق " لازمة ايدة بخوف ماما اصحي الله يخليج اصحي ماعندي غيرج فدوة اروحلج  بس اكعدي والله كلشي يرجع مثل قبل...

اسيل " اضرب بيها متصحة كمت ركضت جبت جهاز الضغط والسكر قستة الها السكر معلك ٥٥٠ والضغط ١٩ تخبلت اول مرة هيج يصعد عدها ركضت على ميري تسوي نومي بصرة اباوعلة ولا يهمة راح طلع فتحت الباب ركضت عالسايق كتلة الله يخليك تعال وياي ناخذ خالتي راح تموت باوعلي مقهور وكال..

مااكدر موبيدي تعليمات محد يطلع من البيت الزعيم خابر دكتور هسه يجيكم لوبيدي اخذج..

اسيل " من انعل ابوكم لا شريفكم لابو زعيمكم الظالم اذا رجعت طبيت للبيت ادردم منفعلة وخايفة اعصابي ترجف مابيدي شي اسوي انسدت بوجهي من كل الطرق البيت مقفل والحراس متشددة رحت يمها اجت ميري جايبة العصير ومي اخذت

البطل ذبيت على وجها حطيت كوشات رفعت رجلها افرك بيدها ورجلها شممتها عطر كشت ملامحها شوية كامت تصحى تفتح وتغمض بعيونها باوعتلي بعتب بس تعبانة بجت بلعت ريكها وكالت كلام متقطع ...

هند " وين اختج ل ليش مجت وياكم بيها شي بروح امج احجي...

اسيل " مااعرف والله كلشي مااعرف مشفتها لزمتني من ايدي سندت روحها كعدت انتجت عالقنفة بالكاع..