دمار

البارت 49

آنه بلا صبر
والضيم مد الشوف
ومحمل هضيمه وما بگالي معين
تبعد معتمد
وتوز عليه الشيب
يطفه اسود ربيعي ويشعل التلوين

___________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،،

ملاك " حسيتة ضاج من كلامي ولأن ضحكت فتح باب الغرفة وطلع كمزت من الجرباية عالسريع طلعت من الغرفة الم بشعري نزلت الدرج اركض باوعت بالمطبخ والممر منا ومنا ماكو..

سمعت صوت الباب انسد مال الشارع رجعت صعدت فوك بالغرفة شلت الفون من الميز طلعت رقمة دكيت عليه ميفتح خط سديتة ورجعتة عالميز يعني اني مو قصدي بس صدك مااذكر عدنا تاريخ زواج ؟

وهو شلون يوم عقدت بي حتى اذكرة ؟ بقيت كاعدة وانتظر مرت ساعة او اكثر سمعت صوت خطواتة عالدرج ركضت فتحت باب الغرفة..

شفتة بيدة صينية وشموع قلصت عيوني شنو هاي تقرب اكثر مخلي بالصينية كيكة ام الربع صغيرة وداير مدايرها شموع باوعتلة وضحكت هو هم ضحك ضربتة على جتفة كتلة وين رحت خوفتني عبالي زعلت رفع حاجبة ودخل للغرفة سد الباب برجلة خلة الصينية كبالي كال برود..

امان " انفخي..

ملاك " انفخ.؟

امان " اي وتمني مثل ميكولون..

ملاك " شيكولون.؟

امان " شمدريني هاي سوالفجن اتمنى ومدري ايش يلا..

ملاك " ضحكت مسوي منية عليه..

امان " لا من خمسين فضيني..

ملاك " هههههه استغفرالله واكف على اعصابة نفخت الشموع كتلة ترة مامجبور؟

محد ضاربك على ايدك..

خلة الصينية عالميز وباوعلي من فوك ليجوة معاجبة

تقرب وكف كبالي رفعت راسي اباوعلة ابتسم بمكر كال..

امان " قزمة وكل البلة بيج تجفصين بمصاريني واكول هينة حبيبتي وكلشي يجرالها...

ملاك " زين هسه ليش طلعت جبت كيكة واجيت؟؟

امان " جا غير اسويلج ذكرى حتى متنسين هذا اليوم..

ملاك " ابتسمت ماانسى بعد خلص وهاي الكيكة تسوى الدنيا وداعتك..

هز راسة مراضي يكول اي اي صدكت لم شفتة الداخل حلكة باوعلي وكال..

امان " اجيج بواهس شاب ترديني شايب..

_ باوعتلة ضايج مديت ايدي حاوطت ركبة رافعة راسي دار وجهة زعلان كتلة ترة والله موقصدي بس صدك مااذكر شلون بالله ابتليت هو يوم ينذكر حتى تزعل..

باوعلي معاجبة رافع تك حاجب كتلة اي والله قابل اجذب عليك..

امان " لايابة عليش تجذبين انتي اصلا ماتحبيني ودوم تذكريني انه غلطان وميت مرة اعترفت بغلطي بس انتي كلبج اسود مينسى..