دمار

البارت الحادي عشر

يختلف طعم الهوى مابين شبر وشبر...
جن طعم جنة ونار عصفور شفتة بقفص..!!!
رغم الهوى البالقفص بس طلع المنكار .؟

لشوكت مايك يضل يطشر اعلى الرمل ؟
وشفافك مفطره !

_________________

اسيل " كلت بلكت الله يصير شريف جربوع وينقذها احسن من غيرة وكفت شميت هوى شوية برة

البيت يخنك من  ماكو ملاك مابي روح فتت جوة دنيا ليل شفت هاي رند مدري شسمها واكفة بالمطبخ تاكل لابسة سيت نوم مشلتح درت وجهي عبرتها وصلت للباب صاحتني التافيت شكوج..؟

رند " تدرين نسيت انتو هنا...
اسيل " والمطلوب اذكرج..

رند" ههههه لاحبي بس متعلمة افتر هيج من قبل وهسه انتي شفتي يلا عادي العرض واحد العندج عندي...

اسيل " لا غلطانة العندي ماعندج باوعتلي وجها ينطي الوان...

رند " شنو هو حبيبتي..

اسيل " باوعتلها من فوك ليجوة مستهزئة بضحك هزيت راسي اني عندي كرامة واخلاق تعرفين زوجج الحبيب ماعندة غيرة بنتة شالها وانطاها ماسأل فا الافضل الج اضمنين نفسج منا منا

غمزتلها لان يجي يوم يبدلج يشمرج هزيت راسي متحسفة ومشيت بقت مشعوطة بقن عليه بس أمثالها استغفرالله ربي نص الليل صعدت فوك فتت للغرفة طفيت الضوة ومددت هستوني انام اجت ودق فاتت جنها سعلوة تبجي...

ودق " اسووو..
اسيل " خيرر شكو تعوين اجت كعدت حضنتني تبجي..

ودق " اسوو ملاااك..
اسيل " متحجين شبيها...
ودق " حلمت بيها حلم موزين لابسة فستان ابيض ومقيديها وجها تعبان بس لا بيها شي اني مااتحمل اخسركم...

اسيل " دنجبي بيش مفاولة عالبنية ان شاءالله مابيها شي لتخوفيني تشهك عوزها بس تلطم انوب اني خفت بالزايد وياها مددت يمي حطت راسها على رجلي العب بشعرها رفعت راسها تباوعلي وتبجي..

ودق " عفية شوكت ترجعلنا والله تعبت مليت...

اسيل " جريت نفس ماادري البركة باابوج لو شفتي شلون عافها هناك ومرتة وابنة ضامهم يخاف عليهم من العين..

ودق " هههههه شفتي شعرها جنها الساحرة الشريرة ويا ربانزل...

اسيل " ضلمتيها للشريرة هههه يلا نامي بس اليوم يمي لتتعلمين ترة تعرفيني شسوي..

ودق " هههه خليني فرحانة بيج عبالي تغيرتي...

اسيل " نججج شخصيتي ماغيرها نامي واسكتي ترة اجلقج برة ضحكت ونامت مددت يمها بس بقيت افكر بيها وبحلمها شصار بيها هسه معقولة يأذيها بس هو مبين حباب اوف ياربي الطف بحالها نمت ويا تفكيري فزيت الصبح ودق نايمة كمت على كيفي طلعت من الغرفة غسلت وبدلت ملابسي رحت الخالتي لكيتها كاعدة بغرفتها صبحت عليها بس صافنة كتلها ها الحلو صافن باوعتلي ودارت وجها..