دمار

البارت السابع عشر

رف لكن على اليستاهلونك كون
على المن تشب نارك حرگ بيه تشتم
على المن مايشوفك بالحلم يومين
الف حسبه على باله من القلق تلتم

_____________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،،،

اسيل " كعدت الصبح ماعندي دوام كعدت اعزل بالغرفة والكنتور شو الله ذاب عليه الشغل يمكن كبرت ودق كاعدة يمي عالجرباية شذب تشيلة تاخذة...

ودق " انتي والله متعافية شكو ذبين بهاي الملابس الحلوة...

اسيل " صفنت عليهن شو حلن بعيني من حجت هيج كتلها منو كلج اذبهن بس دانظف الكنتور وارجعهن يلا يلا صفطي احسن مكاعدة تلعبين...

ودق " رفعتلها حاجبي علينا كل مرة هيج تسوين حملة وذبين من تجي ودق تاخذ تسوين روحج تمسحين...

اسيل " دنجبي هدوم كلها جديدة انطيها الحلكج امشي طلعي برة وديربالج توصلين كنتوري ترة والله اقفلة مثل قبل..

ودق " كمت وكفت  درروحي انتي وهدومج الخرك الله ليعوزني بجال ملوكة...

اسيل " متشترين لعد مخلصتها منا ومنا ملطلطة امداج داضربها سمعت صوت خالة تصيح علينا كتلها انتظري تمشيت فتحت الباب صحت هاا شكوو..

هند " تعالو يابنات اجت خالتكم امل...

اسيل " اجيتكم بس لحظة انداريت شفت ودق حاطة الفستان على جسمها تباوع عالمراية ركضت جريتا منها دجيبي متعولين التهي شوية ام كرش...

يلا امشي نشوف المرة اجتي جريتها من ايدها نزلتها وياي جانو كاعدين بالمطبخ تقدمت اضحك بوستها هلا والله شلونج...

الحجية " هلا بحبيبة كلبي انه اشتاقيتلج فكدتج صار ٣ ايام ماكو كلت انه اجيج...

اسيل " كل الهلا ودق راحت بوستها وكعدت بصفها تسولف خطية كلسع تحضني وتكول ...

الحجية " يمة البيت وحش بس انه افتر علاوي الملعون مالي المكان...

هند " اي حقج خطية والله من يوم الاجة البيت صار بي روح..

اسيل " باوعتلها خالة ولدج وين شعجب الوحدج..

الحجية " يا يمة وين هذا امان مخلصها طالع لو من يجي عينة بهذا الشسمة المبايل مطلع الكاميرا وكاعد يدنفس بي وذاك امير البين يارايح للبصرة ياراد للمركز عندة قضية لازمها يادوب يسبح ويطلع...

__ هممم بكلبي شعجب يسبح ابو بدلة خالتي كلسع تجيب شغلة تقدم الها صار وقت جية ملاك اخير شي كالت..

الحجية " انه اليوم اجيت ارد اشوف ملوكة شلون صارت...

هند " والله ياام امان موزينة حالتها حيل تعبانة وهي اصلا مريضة الربو مدمرها..

الحجية " اعرف اعرف بس ما الها نية...

اسيل " سمعنة صوت صياح برة كمت ركضت جريت البردة باوعت شفت ملاك بالحديقة واكعة وامان حاطها بحضنة ويصيح شهكت يمة اسم الله...