دمار

البارت 56

ومالِي أراكَ في كّل الوجوه ؟
‏أغزوتَ عيني أم غزتكَ الامَاكِن !
‏لماذا أراكَ في كُل شيء ؟
‏كأنكَ في الارض كُل البشر

_____________

بقلمي&تبارك الشمري
،،،،،،،،،،،،،،،،،،،،،،،،،،،،،،،،،،،،،

اسيل " مجنت متخيلة بيوم راح اعيش هذا احساس الفاقد عزيز ومنو اختي الي جنت امشي وارزل بيها..

ندمانة بكد شعر راسي على كل لحظة سبيتها قبل ليش منفكر باجر احتمال نخسر هذا الشخص هي الدنيا خلصانة..

رحت على خالتي لكيتها نايمة بغرفة الحجية سديت الباب اجت الحجية بتجاهي وكفت يمي كالت..

الحجية " عوفيها حبيبة من الصبح الهسه تبجي همزين قدر هنا ضربتها مهدئ ونامت سكرها معلك...

هزيت راسي بتعب ومشيت دخلت بالغرفة ضلمة فتحت الكنتور اباوع عالملابس بشنو فادني اتلمسهن مشمئزة ليش مخليتها تاخذهن؟

اني جنت انانية مااعرف اتصرف ويا الناس التحبني دوم اتعارك دوم اصيح شستفاديت؟؟

غير خسرتها للأبد..

جريتهن من الكنتور طشرتهن بالكاع جبت المكص وكعدت اكص كص بيهن كارهتهن دموعي تنزل بحركة بصوت مكتوم ليش رحتييي ليشش..

بعمر الورد طمها التراب ليش يربي ليششش العارات عايشة شسوت غير اذت نفسها مر وقت نمت عالهدوم بالكاع اذكر كل اللحظات المرت بحياتنا الضحك البجي الزعل العركات..

دخل امير ديشغل الضوة بلعت ريكي همست عوفة
شغلة باوعلي وتقدم كمبص على ركبة جر نفس ومد ايدة بعد شعري من وجهي كال..

امير " هاي شمسوية بروحج كومي ياعيني..

رفعني ضم راسي الصدرة كال..

امير " كلنا على هذا الطريق الله سبحانه وتعالى بمرور الايام يخلي غشاوة على عيونة مننسى لا بس نتعايش..

اسيل " همست مستحيل احس الدنيا وكفت بعيني..

امير " لا بوية قضاء الله وقدرة لا تكولين هيج كلشي الة سبب كومي هسه بدل ماتسوين هيج اقري قرآن ادعيلها صلي صلاة الوحشة اليوم اول ليلة الها يلا حبيبتي كومي قوي كلبج...

كمت ويا فتحت الكنتور داطلع هدوم سمعت صوت صياح ملاك انداريت على امير اريد اطلع هاي شكو كال..

امير " مااعرف عوفيهم اخاف مشكلة بيناتهم..

اسيل " مااعتقد يتعاركون بهيج يوم؟ فتحت الباب كام طلع وياي شفت الحجية تريد تصعد الهم ركضت صعدت فوك دكيت الباب ملااك فتحي الباب فتح الباب امان عصبي ضرب عالباب فزيت شكو شصاير..

امان " مليت بزعت روحي وعلي تعالو شوفو بيمن تتهمني..

يحجي ويضرب عالباب عاطت ملاك..