دمار

البارت العاشر

يالمبتعد عني ابتعد مني
شثكلهن ذكرياتك تعبني ….

اكلوب الما صحت من ذيج الجروح
تبقه مفطره رجلين رعيان

_________________

بقلمي&تبارك الشمري..
،،،،،،،،،،،،،،،،،،،،،،،،،،،،،،،،،،،،،

اسيل" اسبوع مر اقرب للجحيم البيت مخبوص بس بابا مااعرف شنو موضوعة سمع ياسر راح يجي لو انكلب علينا بس يصيح واني من اشوفة هيج هم مااقصر المدرسة كام ميخلينة نروح هو محاجي المديرة بس بالامتحانات اروح حتى للحديقة

ميقبل والحرس متشددين بيوم كاعدين دخلت بنية تطلع ب ثلاثين من عمرها الشعر احمر قصير وكاشخة على اخر حباية فاتت بقينة منعرف شنكول اني ودق وحدة تباوع للثانية عاد اني كلت تفضلي منو انتي نعرفج قبل...

رند" زاد فضلج حبيبتي وين حامد بالمكتب ميري دخلي الجنط..

اسيل " شو هاي تمشيت تريد اطب للغرفة كتلها اوكفي عيني وين رايحة تخوصرت الها غير نعرف منو انتي اصلج فصلج شعندج هنا فات طفل شوية سمين يركض بيدة ايباد رافع شعرة مرتب صاح ماما وين بابا...

رند " هسه نشوفة بالمكتب يلا اركض..

اسيل " بقت بس هاي العايزة مزوج واحنه مندري...

ودق " يعني هذا اخونا وهاي مرتة..

اسيل " لج انتي شكد فطيرة متشوفي يصيح بابا طلع من المكتب عالصوت باوع للطفل وباوعلنا هزيت ايدي بقة واكف ركض الولد حضنة تقدمت وكف كبالة كتلة اي بالخير عندك ولد شوكت ناوي تكول من يتخرج ان شاءالله..

حامد " اي وهسه عرفتو شنو تحاسبوني..

اسيل " وانته منو حتى نحاسبك عبالك نغار لو نحبك غلطان ترة نزلت من عيني ماعندي اب كاعدة هنا الخاطر خالتي ودق..

رند " والله حبيبتي اني كتلة من اول مزوجنة قبل عشر سنين بس هو ماحب احد يعرف...

اسيل " اي مو راح نحسدة للمحروس تعرف كل يوم اكتشف شكد انته نذل وماعندك غيرة بنتك من لحمك ودمك صار اكثر من اسبوع مخطوفة وانته ماسويت شي منعرف اكلت شربت  ماتت عاشت هاي امبارك شغلي وسمعتي من خرب سمعتك الخايسة

تتهنة عفتهم ومشيت ودق واكفة انداريت عطت بيها يلااا امشي وياي اصعدي خلصت المسرحية...

ودق " اي اي اجيت..

اسيل " صعدت فوك بس افتر بالغرفة واسب بيهم وبعيشتهم جريت الفون دكيت على ياسر اون مرن فتح خط عطت بي لك انته شنو من بشر فهمني اكلك اختك انخطفت تكلي حاجز وصار اسبوع هم لو للمريخ جان وصلت..

ياسر " شبيج يعني قابل بيدي صارت عرقلة بالجواز وصارلي اسبوع افتر اريد بس اخلصة لاعبالج اني هنا مرتاح ترة بالي كلة يمكم شصار احجيلي ماكو خبر...