دمار

البارت الخامس عشر

بياض كلوبنا يزعل الطباشير
نرهم للسما المحتاجة نجمة...

الجرعة الزايدة من الفرگة تاذيك
وتبجي الطبيب الي يداويك...
___________

بقلمي&تبارك الشمري..
،،،،،،،،،،،،،،،،،،،،،،،،،،،،،،،،،،،،

ملاك " ويا نزلتي شفتة واكف على سيارتة منتجي يلعب ابن ياسر اندار عليه باوعلي من فوك ليجوة رافع حاجبة خازرني اتجمدت بمكاني مااعرف شسوي بس دموعي نجمعن بعيوني....

دنكت للسيارة جريت الجنطة و فتحت الباب مال البيت ركعتة ابد منداريت وراي دخلت جوة بس مخنوكة الخوف سيطر عليه خالتي بالمطبخ واكفة وياها مها سمعت صوت الباب اجت عليه شمرت الجنطة عالقنفة متوترة...

هند " يا يمة شبيج اسم الله شو باوعيلي شكو...

ملاك " كعدت بالكاع ارجف والكلام بصعوبة يطلع مني كعدت بصفي كتلها هو هو بالباب شفتة اعصر بصدريتي من الرهبة بلعت ريك بلعومي جرحني كتلها اجابة هااا شكو اجة شكوو...

هند " مها يوم جيبيلها مي راح تتخبل البنية يمكن اخوج جاب علاوي...

ملاك " ماعولت اخلص منة اجابة دخل ياسر حاضن ابنة شافني بالكاع قلص عيونة كال...

ياسر " شكو شبيج...؟
ملاك " شعندة جاي هنا موكلت ماريد اشوفة ماريد..

ياسر " اشلون بالله تبقين هيج كل متشوفي تكلبيها دراما انسي بابا وعيشي حياتج محد يتأذى غيرج افهمي...

ملاك " انسى مو اثار الضرب والحرك شلون اخفيها انساها انسى من بين دموعي انمدت ايد لزمت ايدي رفعت راسي شفتها مها تبجي بيدها كلاص مي...

مها " كومي وياي ارتاحي بالغرفة...
ملاك " ماريد وخري مني...

مها " ممكن تعوفونا وحدنا ياسر اخذ علاوي ماريدة يخترع وتتأثر نفسيتة..

ملاك " بقيت على كعدتي كامت خالتي راحت هي وياسر والطفل دنكت راسي مداكدر انسى ولا اتعايش كل مااكول خلص يطلعلي مثل الكابوس لاحكني كعدت يمي مدت ايدها وخرت شعري من وجهي باوعتلها مسحت دموعي...

مها " تعرفين اني هم هيج جنت بس اني اخوج مشفتة ورة الي صار اجوز لو شايفتة بذاك الوكت اسوي مثلج واكثر بس اني تعايشت وكدرت اطلع من حالتي...

ملاك " مستهزئة وشلون بالله طلعتي كليلي علميني...

مها " اجوز تستهزئين من احجي بس اني المصلحتج صدكي والله لازم تواجهين خوفج وتبينين انتي قوية مو كلمة تهزج لو شوفة اني الصار وياي حبيتة الاخوج وثقيت بي اكثر من الازم بس هو نيتة موصافية جانت يريد بس اشباع غريزتة..

ملاك " مسحت وجهي وخرت شعري ورة اذاني واني هم ثقيت بي فوك الست اشهر يراسلني ويخابر عيشني بااحساس معايشتة لامن اب ولامن اخ احساس غير...