دمار

البارت 43

من باجر اتغير بعد لا تعتذر ما نصحك
مو دوم اضل ميت بجي وحضرة جنابك تضحك
شحصلت منك؟ مختنك..

ومن يمتى ما ضاحك صدك
والله رح ابقى احترك.. منا لحد ما اجرحك
حالف اسوي وياك وحدة بوحدة..
حالف اوصلك مرحلة.. الملطوب دم تحسده

___________

ملاك " مجاوبتة بس باوعت بعيونة دار وجهة وكف عالمراية بالممر يعدل شعرة بس تحسة يريد ينفجر..

رحت عالمطبخ قفلت الباب واخذت المفتاح رجعت للاستقبال كعدت عالقنفة اهز برجلي اليوم لو اني لو هو

شوية وسمعتة بالمطبخ يصيح...

امان " وين ال*** ملاااك..

غلست سويت روحي اباوع عالتلفزيون شفتة دخل وصل يمي كال..

امان " بحدية وين المفتاح..

ملاك " رفعت راسي برائة كلت بالباب غير بالله وخر خلي اشوف شراح يسوي..

امان " منو.؟

ملاك " اصلا المسلسل مااعرفة كتلة هذا البطل كلش احب تمثيلة..

رفع حاجبة خزرني وجرني من ايدي وكفني دفعتة من ايدة شبيك يلا روح للملهلى مو كاتل روحك حجة صاك سنونة..

امان " انطيني المفتاح خلي اولي لا والله..

ملاك " لا والله شنو؟؟

بس تهديد شلت المفتاح شمرتة بالكاع كتلة خلي ابالك بس تطلع من ترجع متلكاني..

حطيت شعري ورة اذاني وكعدت تربعت عالقنفة راح شال المفتاح من الكاع ورجع وكف كبالي مباوعت بوجهة...

امان " انتي مرة وبت امج وابوج سويها..؟

ملاك " اي اسويها خايفة منك يلا بابا روح يم الحبايب ينتظرنك...

امان " اروح جا ابقى يمج..

ملاك " حجاهة وعافني وطلع ركع الباب بس داخلي يتشعوط كام هم من كلامة وهم افكر شراح يسوي هسه يحضنهن ويغازلهن مثل ميكلي..

اي اي اكيد هو واحد عار اني ثقيت بي مو وجه ثقة

كمت باوعت من الشباك شفتة شحط السيارة ومشة سديت البردة بقوة ورجعت افتر بالبيت مااعرف شسوي..

رحت عالحجية فتحت الباب ودخلت لكيتها مددة بس كاعدة تسبح بيدها تقدمت كعدت يمها...

الحجية " هاحبيبة شبي هذا المسودن يصيح...

ملاك " شبي يعني هو فد واحد ردت اكول جلب مينعدل وسكتت عيب من امة كتلها هو هو وسكتت ضحكت كالت..

الحجية " يمة عوفي من يصيح البسي دخلي بالغرفة هو الوحدة يسكت...

ملاك " ماحجيت شي ويا هو مدري شبي اليوم متخبل..

الحجية " مااعرف يمة هو الرجال مثل الطفل كلمة تجيبة وكلمة تودي بالمسايس وعيني وكلبي الهدوم العليه تاخذيها..