دمار

البارت 31

تعرف غلاتك لو بعد يحتاج ابين اكثر
يالبيك لهاني العمر ما ركزت بيمن مر
يمكن اذا گتلي شكثر تهواني راح اتحير

اليل عدي محبتك بس باچر تزود اكثر
الادري بي من تبتعد مدري شحس بحيرتي
صدري حفر بي خنجر مگطوع شريان ابهر
يندفع شباچ الجفه وبالروح شي تكسر

_____________

بقلمي&تبارك الشمري
،،،،،،،،،،،،،،،،،،،،،،،،،،،،،،،

ملاك " بقيت كاعدة بالغرفة وحسبة توديني وحسبة تجيبني مااعرف شنو اسوي بهيج حالة فززني صوت الفون بين افكاري جريتة من الميز بملل شفتها زهور صار فترة منتواصل جريت نفس وبلعت ريك وفتحت خط الوو..

زهور " هلو ملاك شلونج..

__ تمام بخير وانتي..

... اني زينة بس اخوي موزين ملاك..

غمضت عيوني بتعب فركت وجهي ليش شبي..

زهور " اخاف تكولين لحيت بس والله لا هاي اول مرة اشوفة بهيج حالة تعبان ملاك بس انتي تكدرين تساعدي..

ملاك " اني..؟

.. اي انتي صدكي انتي من يوم الكلتيلي زواجج موزاج اني غبية رحت حجيت الة زرعت الامل بكلبة..

__ اكلج عفية شنو زرعت الامل اني صح كتلج زواجي موزاج بس مكتلج روحي الاخوج وحجيلة ترة اني البية مكفيني فدوة.اروحلج..

زهور "اسفة حبي موقصدي بس هسه مااعرف شنو اسوي ساعديني ماعندي غيرج..

ملاك " بحدية وبشنو اساعدج اني شبيدي قابل..

... مااعرف والله مااعرف هو راح سأل وستفسر عرف زوجج بالسجن...

__ شنو؟ وشدخلة هو اكلج انتو عصابة؟ تنبشون وراي زوجي مسجون  زوجي ميت انتو شعليكم..؟

زهور " موهيج والله..

لعد شنو هذا حجيج ترة حتى المخبل ميعقلها رجاء بعد لادورون لا وراي ولا ورة زوجي واصلا لاتخابريني بعد اظاهر اني معرفت صديقي من عدوي سديتة بوجهة اعصابي تلفت..

  كمت بالغرفة احس نفسي ضاق لزمت كلبي يوجعني مشيت للميز تواليت فتحت المجر جريت جهاز الربو استنشقت الهوى اكثر من مرة حسيت شوية هدئت للعصر..

اندكت الباب مديت اي فتحتة جان علاوي وجهة معبس ومكتف ايدة مخنزر هزيت راسي بتعب همست شبيك ضايج..

علاوي " اتي ليس تدبين علي ( انتي ليش تجذبين علي )...

ملاك " اشرت على روحي اني؟ شجذبت عليك موعيب سويتني جذابة طب للغرفة كعد عالجربابة ضايج يريد يبجي...

علاوي " اين مفادئة اتي موتلتي ماما تثويلك مفادئة وينة ( وين المفاجأة انتي موكلتي ماما تسويلك مفاجأة وينها)..